ءسويتىپ, ەركە ەلىكتى اتقان ءۇش قانىپەزەر دە ۇستالىپ, ۇستەرىنەن ءىس قوزعالدى. الىنعان مىلتىقتار مەن ولاردىڭ ورمان القاپتارىندا ءار جەرگە جاسىرعان انالىق ءسىبىر ەلىگىنىڭ ەتى براكونەرلەردىڭ بۇل ىسپەن تۇراقتى اينالىساتىنىن كورسەتىپ تۇر. تەرگەۋ ارەكەتتەرى ناتيجەسىندە ولار اڭ اۋلاعان جەرلەرىن دە اتاپ بەردى. الىنعان مىلتىقتاردىڭ تىركەلمەگەنى دە بەلگىلى بولدى. قارۋدى زاڭسىز ساقتاۋ فاكتىسى بويىنشا دا اكىمشىلىك ماتەريال جينالدى. ەندى بۇلار سوت شەشىمىمەن باس بوستاندىقتارىنان ايىرىلۋلارى دا مۇمكىن.
"قازىرگى كەزدە اڭ اۋلاۋعا تىيىم سالىنعان. جىل باسىنان زاڭسىز اڭ اۋلاۋدىڭ 12 فاكتىسى انىقتالدى, براكونەرلەرگە قاتىستى قىلمىستىق قۋدالاۋ شارالارى قابىلداندى. اڭ اۋلاۋ ءتارتىبىن بۇزۋعا بايلانىستى 200-دەن استام فاكتى بويىنشا اكىمشىلىك جاۋاپكەرشىلىك بەلگىلەندى", دەيدى سقو پد تابيعاتتى قورعاۋ پوليتسياسىنىڭ اعا ينسپەكتورى اسحات قوجاباەۆ.
سولتۇستىك قازاقستان وبلىسى
