ايماقتار • 23 ماۋسىم، 2020

الماتىدا ىندەتپەن كۇرەسۋگە 13 مەديتسينالىق ۇيىم جۇمىلدىرىلدى

63 رەت كورسەتىلدى

بۇگىن الماتى قالاسى قوعامدىق دەنساۋلىق باسقارماسىنىڭ باسشىسى كامالجان نادىروۆ ونلاين بريفينگتە قالاداعى ەپيدەميولوگيالىق جاعداي تۋرالى جان-جاقتى بايانداي كەلە، مەگاپوليستە كوروناۆيرۋسپەن كۇرەسۋ ءۇشىن بارلىعى 13 مەديتسينالىق ۇيىم جۇمىلدىرىلعانى اتادى، - دەپ جازادى Egemen.kz

بۇلار – 9 ينفەكتسيالىق ستاتسيونار، جالپى توسەك-ورىن قۋاتتىلىعى 1940 توسەك-ورىن (№1 قالالىق كلينيكالىق اۋرۋحانا، قالالىق كلينيكالىق جۇقپالى اۋرۋلار اۋرۋحاناسى، بالالار قالالىق كلينيكالىق جۇقپالى اۋرۋلار اۋرۋحاناسى، ورتالىق قالالىق كلينيكالىق اۋرۋحانا، قر دسم فتيزيوپۋلمونولوگيا ۇلتتىق عىلىمي ورتالىعى، مودۋلدىك گوسپيتال، 1 كبمو (فتيزيوپۋلمونولوگيا ورتالىعى، ۇقك گوسپيتالى، قورعانىس مينيسترلىگىنىڭ گوسپيتالى)، №1 قالالىق كلينيكالىق اۋرۋحانا جانە ءىىم گوسپيتالى بازاسىنداعى 2 پروۆيزورلىق ورتالىق، جالپى توسەك-ورىن قۋاتى 609 جانە 429 توسەك-ورىنعا ەسەپتەلگەن ەكى كارانتيندىك ۇيىم.

تاڭعى ساعات 08.00-دەگى جاعداي بويىنشا جۇقپالى اۋرۋلار ستاتسيونارلارىنداعى بوس توسەك-ورىندار سانى – 136 توسەك-ورىن.

"سول سياقتى امبۋلاتوريالىق دەڭگەيدە اۋقىمدى جۇمىس جۇرگىزىلۋدە. مۇندا ءبىز ۆيرتۋالدى جۇقپالى اۋرۋلار اۋرۋحاناسىن اشىپ، راستالعان جاعدايلاردا دا، كوروناۆيرۋستىڭ ىقتيمال جاعدايلارى بار پاتسيەنتتەردىڭ دەنساۋلىق جاعدايىنا مونيتورينگ جۇرگىزۋدەمىز.تاجىريبە كورسەتكەندەي، بۇل جەردە ەڭ قيىنى، بۇل اعىمنىڭ سيمپتومسىز نەمەسە جەڭىل ءتۇرى بار حالىقتى ۇيدە بولۋعا سەندىرۋ. ايتكەنمەن دە، ستاتسيونارلارلىڭ توسەك-ورىندارى تولىپ قالعاندىعىنا بايلانىستى، بارشا حالىققا ەڭ الدىمەن ۇرەيگە بوي الدىرماۋدى، بولماشى دەنە قىزۋىنىڭ بولۋى ەمدەۋگە جاتقىزۋ ءۇشىن اۋرۋدىڭ سەبەبى ەمەس ەكەنىن ايتقىم كەلەدى"، دەدى كامالجان نادىروۆ.

قازىرگى ۋاقىتتا قالادا امبۋلاتوريالىق دەڭگەيدە مونيتورينگتە 2986 ادام بار، ونىڭ ىشىندە سيمپتومسىز تۇرىمەن 2365 ادام اۋىرۋدا، بۇل 79%-دى قۇرايدى، 621 ادامنىڭ سيمپتومدارى بار، بۇل 21%-دى قۇرايدى. امبۋلاتوريالىق دەڭگەيدە سيمپتومدارى بار اۋىرلىقتىڭ جەڭىل دارەجەسىندە 555 ادام – 89%، اۋىرلىقتىڭ ورتاشا دارەجەسىندە 66 ادام نەمەسە باقىلاۋ جۇرگىزىلگەن ادامداردىڭ جالپى سانىنىڭ 11%-ىن قۇرادى. سوزىلمالى اۋرۋلارى بار، تاۋەكەل توبىنداعى 60 جاستان اسقان ادامدارعا ەرەكشە كوڭىل بولىنۋدە، قازىرگى ۋاقىتتا ولاردىڭ سانى – 94 ادام.

الماتى قالاسى قوعامدىق دەنساۋلىق باسقارماسىنىڭ باسشىسىنىڭ ايتۋىنشا، ءاربىر ەمحانادا بەكىتىلگەن رەگلامەنتكە سايكەس پاتسيەنتتەردى مونيتورينگىلەۋمەن اينالىساتىن موبيلدىك بريگادالار قۇرىلعان. بۇگىنگى كۇنى ولاردىڭ سانى – 72. موبيلدىك توپتىڭ قۇرامىنا–بولىمشە مەڭگەرۋشىلەرى، ينفەكتسيونيست دارىگەرلەر، ەپيدەميولوگتار، ۋچاسكەلىك دارىگەرلەر مەن مەيىربيكەلەر كىرەدى. بارلىعى 287 مساك قىزمەتكەرى جۇمىلدىرىلعان. جۇمىس ساپاسىن ارتتىرۋ ماقساتىندا وسى بريگادالاردىڭ سانىن ارتتىرۋ بويىنشا جۇمىستار جۇرگىزىلۋدە.

 

 

الماتى

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار