ايماقتار • 23 ماۋسىم، 2020

الماتىدا جاعدايى اۋىر ناۋقاستار كوبەيىپ جاتىر - باس دارىگەر

435 رەت كورسەتىلدى

بۇگىن الماتى قالاسى قوعامدىق دەنساۋلىق باسقارماسىنىڭ باسشىسى كامالجان نادىروۆ ونلاين بريفينگتە قالاداعى ەپيدەميولوگيالىق جاعداي تۋرالى جان-جاقتى بايانداپ، جۋرناليستەردىڭ ساۋالدارىنا جاۋاپ بەردى، - دەپ جازادى Egemen.kz

ەپيدەميا باستالعالى بەرى الماتىدا جالپى 3429 جاعداي تىركەلدى. 2177 ادام ساۋىعىپ، ەمدەۋدەن شىعارىلدى. 20 پاتسيەنت قايتىس بولدى. بۇگىنگى كۇنى قالا ستاتسيونارلارىندا 1388 پاتسيەنت ەمدەلىپ جاتىر. ناۋقاستاردىڭ جاعدايىنا كەلەر بولساق، 20 ادامنىڭ جاعدايى وتە اۋىر، 150 ادامنىڭ ءحالى ناشار، قالعاندارىنىڭ جاعدايى قاناعاتتانارلىق.

ء"بىز جاعدايى اۋىر پاتسيەنتتەر سانىنىڭ كوبەيۋ سەبەبىن تالداپ، بۇل قانت ديابەتى، اگ، جيا جانە باسقا داقوسىمشا اۋرۋلارى بار پاتسيەنتتەر سانىنىڭ كوبەيۋىمەن بايلانىستى دەگەن قورىتىندىعا كەلدىك. سونداي-اق، اۋرۋدىڭ اۋىرلىعى مەن پاتسيەنتتەردىڭ جاسى اراسىنداعى بايلانىس انىق بايقالادى، ياعني جاي-كۇيى اۋىر جانە وتە اۋىر پاتسيەنتتەر اراسىندا 80%-دان استامىن 60 جاستان اسقان ادامدار قۇرايدى. اۋرۋشاڭدىقتى تالداۋ 20-29 جاس ارالىعىنداعى جاستاردىڭ ەڭ ءجيى جۇقتىراتىنىن كورسەتەدى – 35% جۇقتىرعاندار، 60 جاستان اسقان ادامدار – 8،8%"، دەيدى الماتى قالاسى قوعامدىق دەنساۋلىق باسقارماسىنىڭ باسشىسى.

جالپى ديناميكادا جاعدايى اۋىر جانە وتە اۋىر دارەجەدەگى پاتسيەنتتەردىڭ كوبەيۋى بايقالادى.

كامالجان نادىروۆ ستاتسيونارلىق دەڭگەيدەگى جۇمىستارعا قاتىستى: "ماۋسىم ايىنىڭ باسىنان بەرى ستاتسيونارلارعا جالپى 2132 پاتسيەنت كەلىپ ءتۇستى، 646 ادام ەمدەۋدەن شىعارىلدى، تەستىلەۋدىڭ تەرىس ناتيجەسىن ءالى الماعان، بىراق ەمدەلۋدە تۇراقتى، وڭ وزگەرىس بايقالاتىن جانە قاناعاتتانارلىق جاعدايداعى 494 ادام امبۋلاتوريالىق ەمدەۋگە اۋىستىرىلدى"، دەدى.

بۇگىنگى كۇنى ءوجج اپپاراتىنا 10، وكپەنىڭ ءينۆازيۆتى ەمەس جاساندى جەلدەتۋدە – 16 پاتسيەنت قوسىلىپ جاتىر، بوس اپپارات – 23.

 

 

 

الماتى

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار