ايماقتار • 23 ماۋسىم، 2020

قوستاناي تراكتور زاۋىتى جىلىنا 700 تراكتورعا دەيىن شىعارادى

38 رەت كورسەتىلدى

اۋىل شارۋاشىلىعى تەحنيكاسى پاركىنىڭ قازىرگى جاعدايى ەرەكشە نازار اۋدارۋدى تالاپ ەتەدى. بۇگىندە ەلىمىزدە 153 مىڭ تراكتور مەن 42 مىڭ بىرلىك كومباين تىركەلگەن. اۋىل شارۋاشىلىعىنداعى جاعدايدى ەسكەرە وتىرىپ، قازىرگى باستى ماسەلە ىشكى ءوندىرىس ەسەبىنەن اۋىل شارۋاشىلىعى تەحنيكاسىنىڭ قاتتى توزعان پاركىن جەدەل جاڭارتۋ بولىپ تابىلادى، دەپ حابارلادى يدم ءباسپاسوز قىزمەتى، - دەپ جازادى Egemen.kz

ويتكەنى تراكتورلاردىڭ 65% مەن كومباينداردىڭ 46% 17 جىلدان استام پايدالانىلۋدا.

ول ءۇشىن ەلىمىزدە اۋىل شارۋاشىلىعى تەحنيكاسى مەن جابدىقتارىنىڭ زاماناۋي ءوندىرىسىن قۇرۋ بويىنشا بەلسەندى جۇمىس جۇرگىزىلۋدە. اۋىل شارۋاشىلىعى تەحنيكاسىنىڭ ەسكىرگەن پاركىن جاڭارتۋ سالانىڭ ەڭبەك ونىمدىلىگىن جانە ءونىمنىڭ ساپاسىن ارتتىرۋعا مۇمكىندىك بەرەدى.

وسى باعىتتا جاسالىپ جاتقان جۇمىس رەتىندە 2019 جىلدىڭ 23 قازانىندا "قوستاناي تراكتور زاۋىتى" بازاسىندا "كيروۆەتس" تراكتورلارى ءوندىرىسىنىڭ اشىلۋىن اتاپ ءوتۋ كەرەك. كاسىپورىننىڭ جوبالىق قۋاتى جىلىنا 700 تراكتوردى قۇرايدى.

جوبا قازاقستان مەن رەسەيدىڭ ونەركاسىپتىك كووپەراتسيا باعدارلاماسى اياسىندا جۇزەگە اسىرىلدى. تەحنيكا ءوندىرىسى قوستاناي قالاسىنىڭ يندۋستريالدىق ايماعىندا "پەتەربۋرگ تراكتور زاۋىتى" اق-مەن ىنتىماقتاستىقتا باستالدى.

كاسىپورىننىڭ ەل ءۇشىن جوعارى ەكونوميكالىق جانە الەۋمەتتىك ماڭىزى بار. قازاقستاندا تەحنولوگيالىق قۇزىرەتتىلىك ترانسفەرتى، تەرەڭ وقشاۋلانۋى جانە جوعارى قوسىلعان قۇنى بار بارلىق زاماناۋي حالىقارالىق نورمالار مەن ستاندارتتارعا جاۋاپ بەرەتىن بىرەگەي ءوندىرىس قۇرىلدى. 

"كيروۆەتس" تراكتورلارى قازاقستاندىق شارۋالار اراسىندا مىقتى ءارى ءتوزىمدى تەحنيكا رەتىندە جوعارى سۇرانىسقا يە. بۇل رەتتە قوستاناي تراكتور زاۋىتىنىڭ ءونىمىن "قدب-ليزينگ"اق، "قازاگروقارجى"اق جانە "تەحنوليزينگ" جشس اۋىل شارۋاشىلىعى تاۋار وندىرۋشىلەرىن قولداۋدىڭ قولدانىستاعى ليزينگتىك باعدارلامالارى شەڭبەرىندە ساتىپ الۋعا بولادى.

«كيروۆەتس» - 1924 جىلدان شىعارىلا باستاعان، اڭىزعا اينالعان دوڭگەلەكتى تراكتور. كەڭەستىك تراكتور جاساۋدىڭ نەگىزى سول كەزدەن قالاندى.

2014 جىلى "كيروۆەتس" جاڭارتىلعان نۇسقانىڭ سەريالىق ءوندىرىسىن تاپتى. پوستكەڭەستىك كەڭىستىكتەگى ەلدەردە جوعارى سۇرانىسقا يە ەنەرگياعا قانىققان اۋىل شارۋاشىلىعى تراكتورىن جاڭارتۋ دالا جاعدايىندا تەحنيكانى پايدالانۋدى تالداۋ، شارۋالاردىڭ تىلەكتەرىن ەسكەرۋ جانە ساپانى باقىلاۋدىڭ كوپساتىلى جاڭا جۇيەسىن قۇرۋ ناتيجەسىندە اتقارىلدى.

"كيروۆەتس"-كە جەتىلدىرىلگەن جانە سەنىمدى گيدراۆليكالىق جۇيە قويىلدى. سونداي-اق تەحنيكانى 3-ءشى جانە 4-ءشى ساناتتى اۋىل شارۋاشىلىعى جابدىقتارىمەن تولىقتىرۋعا مۇمكىندىك بەرەتىن بىرەگەي امبەباپ اۋىل شارۋاشىلىعى تەحنيكاسىمەن جابدىقتالدى. تراكتوردىڭ ىشكى جانە سىرتقى ديزاينى دا وزگەردى.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار