"قۇقىق قورعاۋ ورگاندارىنىڭ دا ەڭبەگىن ەرەكشە اتاپ وتكىم كەلەدى. ەلدەگى ءتارتىپ ساقشىلارىنا اسا ماڭىزدى مىندەت جۇكتەلىپ وتىر. قوعامداعى تۇراقتىلىق پەن تىنىشتىق پوليتسيانىڭ ءمىنسىز قىزمەتىنە بايلانىستى. سىزدەر كۇردەلى توتەنشە جاعداي كەزەڭىنەن ابىرويمەن وتتىڭىزدەر. بۇگىندە كارانتين شارالارىنىڭ ساقتالۋىن قاداعالاپ, بەكەتتەردە قىزمەت ەتىپ كەلەسىزدەر. بۇل وڭاي جۇمىس ەمەس. ءتىپتى قوعام وكىلدەرى تاراپىنان سىنعا ۇشىراعان كەزدەرىڭىز دە بولدى.
ارينە كاسىبي تۇرعىدان بىلىكسىزدىك تانىتقاندار دا بولدى. وسىنداي جەكەلەگەن جاعدايلار بۇكىل قۇقىق قورعاۋ ورگاندارىنىڭ بەدەلىنە زيان كەلتىرەدى. دەگەنمەن ءتارتىپ ساقشىلارىنىڭ باسىم بولىگى ادال قىزمەت ەتىپ جاتقان ازاماتتار. بۇنى ەشكىم جوققا شىعارا المايدى.
وسى رەتتە ءىىم قىزمەتكەرلەرىن كاسىبي مەرەكەلەرىمەن قۇتتىقتايمىن. مەملەكەتتىك قىزمەتشىلەردىڭ جانە اق حالاتتى ابزال جانداردىڭ ءتول مەرەكەلەرى قۇتتى بولسىن. وتان الدىنداعى سەرتكە بەرىك بولعاندارىڭىز ءۇشىن بارشاڭىزعا العىس ايتامىن", - دەدى پرەزيدەنت.
