بۇل جاي مەديتسينا قىزمەتكەرلەرىنىڭ تۇراقتاپ جۇمىس ىستەۋىنە كەرى اسەرىن تيگىزىپ تۇر. بۇگىنگى كۇنى اۋدان بويىنشا 19 مەديتسينا قىزمەتكەرى جەتىسپەيدى.
ء"بىز سياقتى جاس مامانداردىڭ العاشقى جارنا تولەيتىن قارجىسى جانە كەپىلگە قوياتىن جىلجىمايتىن مۇلكى دە جوق. سوندىقتان, تۇرعىن ءۇي, ۇزاق مەرزىمدى باعدارلامالارعا قاتىسا المايمىز. امالسىزدان ءۇي جالداپ تۇرىپ جاتىرمىز", دەيدى دارىگەر-پەدياتر گاۋھار ءشارىپوۆا.
باسپانا ماسەلەسىن شەشۋ ءۇشىن ناۋرىز ايىندا 5 قاباتتى 40 پاتەرلى تۇرعىن ءۇي قۇرىلىسىنىڭ جوبالىق-سمەتالىق قۇجاتى جاسالعان بولاتىن. ساراپتاما وڭ قورىتىندى شىعارعان, اۋدان ورتالىعىنان جەر تەلىمى دە ءبولىندى. تەك قاراجاتتىڭ تاپشىلىعىنان قاڭتارىلىپ تۇر. وسى ماسەلەگە كوڭىل بولگەن وبلىس اكىمى ەرمەك مارجىقپاەۆ تاياۋدا وزەكتى ماسەلە سەسسيادا قارالىپ, قارجى بولىنەتىندىگىن مالىمدەدى. اكىمنىڭ ۋادەسىنە قاراعاندا, مەديتسينا قىزمەتكەرلەرىنە ارنالعان كوپ قاباتتى تۇرعىن ءۇي الداعى جىلدىڭ ءبىرىنشى توقسانىندا تولىق اياقتالماق. ۋادە ۇدەسىنەن تابىلسا, اۋدانداعى احۋال دا ءبىرشاما جاقسارىپ قالاتىندىعى ءسوزسىز.
زەرەندى اۋدانى
اقمولا وبلىسى
