"بۇگىن مەديتسينا قىزمەتكەرلەرىنىڭ كۇنى. ادام جانىنىڭ اراشاسىسى, دەرتكە شيپا بەرىپ, سىرقاتتى ەمدەيتىن اق حالاتتى ابزال جانداردىڭ ەڭبەگى قانداي قۇرمەتكە بولسىن لايىق. ولار ءوز جاندارىن شۇبەرەككە ءتۇيىپ, اۋرۋعا شالدىققان ادامنىڭ ءومىرى ءۇشىن كۇرەسىپ, كۇن مەن تۇنمەن ساناسپاي, ۋاقىتپەن ەسەپتەسپەي, وتباسىلارىنان جىراقتا, العى شەپتە جۇمىس ىستەپ, ساۋاپتى ءىس اتقارىپ ءجۇر. اسىرەسە, ءدال قازىرگىدەي قيىن-قىستاۋ كەزدە, سىن ساعاتىندا دارىگەرلەردىڭ قادىرىن انىق ءتۇسىنىپ جاتىرمىز", دەپ جازدى بەرىك ءۋالي.
سونداي-اق ول قالىپتى تىرشىلىككە قايتا ورالىپ جاتقان ەمدەلۋشىلەردىڭ اتىنان دارىگەرلەرگە العىس ايتتى.
"وسىنداي جانكەشتى جۇمىس جولىندا جۇرگەن ءاربىر ازاماتقا قاۋىپتى ىندەتكە شالدىعىپ, ودان سىزدەردىڭ كومەكتەرىڭىزبەن جازىلىپ, بۇگىندە قالىپتى تىرشىلىگىنە قايتا ورالىپ جاتقان ەمدەلۋشىلەردىڭ اتىنان دا العىس ايتىپ, الدارىڭىزدا باسىمدى يەمىن!
ەڭبەكتەرىڭىز جەمىستى, كاسىپتەرىڭىز ءورىستى بولسىن! حالىق, ۇلت دەنساۋلىعى جولىندا اتقارىپ جاتقان يگىلىكتى جۇمىستارىڭىز جالعاستى دا جەمىستى بولعاي! ءبىز سىزدەردى قۇرمەتتەيمىز!
امان بولىڭىزدار, اق حالاتتى ابزال جاندار!", دەپ جازدى ب. ءۋالي.
ەسكە سالا كەتەيىك, 6 ماۋسىم كۇنى پرەزيدەنتتىڭ ءباسپاسوز حاتشىسى بەرىك ءۋالي كوروناۆيرۋس جۇقتىرعان بولاتىن.
