ول 1930 جىلى دۇنيەگە كەلگەن. اتىراۋ مۇعالىمدەر ينستيتۋتىن بىتىرگەن. 1950 جىلدان بەرى ماحامبەت اۋدانىنداعى بىرنەشە مەكتەپتە ۇستازدىق جولىن جالعاستىردى. الدىمەن قۇلتاي جەتىجىلدىق مەكتەبىندە ەڭبەك جولىن باستاعان. كەيىن 1956-1958 جىلدارى تالعايراڭ ورتا مەكتەبىنىڭ ديرەكتورى, 1958-1970 جىلدارى العا ورتا مەكتەبىندە ديرەكتوردىڭ ورىنباسارى, 1995 جىلعا دەيىن ديرەكتورى بولعان.
ول 1962 جىلى قازاق سسر حالىق اعارتۋ ءىسىنىڭ وزىق قىزمەتكەرى, 1967 جىلى قازاق سسر-ءىنىڭ ەڭبەك سىڭىرگەن مەكتەپ مۇعالىمى, كسرو جوعارعى سوۆەتى پرەزيديۋمىنىڭ 1980 جىلعى 18 مامىرداعى جارلىعىمەن "كسرو حالىق مۇعالىمى" اتانعان. "ەڭبەك قىزىل تۋ", "پاراسات" وردەندەرىمەن ماراپاتتالعان.
سونداي-اق, ۇزاق جىلعى پەداگوگيكالىق ەڭبەك جولىندا بۇكىلوداقتىق حالىق شارۋاشىلىعى جەتىستىكتەرى كورمەسىنىڭ كۇمىس مەدالىن, ى.التىنسارين اتىنداعى توسبەلگىنى يەلەندى. رەسپۋبليكالىق قازاق ءتىلى مەن ادەبيەتى پاندەرى مۇعالىمدەرىنىڭ اتاۋلى مەكتەبىنىڭ جەتەكشىسى بولدى. سونداي-اق, 5-ءشى سىنىپقا ارنالعان قازاق ادەبيەتى وقۋلىعىنىڭ اۆتورى ەدى.
اتىراۋ
