مەديتسينا • 21 ماۋسىم، 2020

اسقار مامين قازاقستاندىق مەديتسينا قىزمەتكەرلەرىن كاسىبي مەرەكەسىمەن قۇتتىقتادى

27 رەت كورسەتىلدى

ۇكىمەت باسشىسى اسقار مامين مەديتسينا قىزمەتكەرلەرىن كاسىبي مەرەكەسىمەن قۇتتىقتادى، - دەپ حابارلايدى Egemen.kz.

"قۇرمەتتى ەلىمىزدىڭ مەديتسينا قىزمەتكەرلەرى، سىزدەردى كاسىبي مەرەكەلەرىڭىزبەن شىن جۇرەكتەن قۇتتىقتايمىن! 

دارىگەردىڭ قوعام مەن ەل الدىنداعى ەڭبەگىن قانشا اسىرا باعالاساق تا ارتىق بولمايدى. سىزدەر — ازاماتتاردىڭ دەنساۋلىعىن ساقتاپ، دەرتىنە شيپا، جانىنا جىلۋ سىيلاعان ارداقتى ماماندىق يەسىسىزدەر. ادام ومىرىنە اراشا ءتۇسىپ، دەنى ساۋ ساپالى ۇلت قالىپتاستىرۋعا، سول ارقىلى قازاقستان حالقىنىڭ ءال-اۋقاتىن ارتتىرۋعا ۇلەس قوسىپ كەلەسىزدەر.

قازىرگىدەي كۇردەلى كەزەڭدەگى اۋىرتپالىققا توتەپ بەرىپ، كوروناۆيرۋس پاندەمياسىنا قارسى كۇرەستىڭ الدىڭعى شەبىندە جۇرگەن سىزدەردەن حالقىمىز كۇندەلىكتى جانكەشتى ەڭبەكتىڭ، كاسىبي بورىشقا دەگەن ادالدىقتىڭ ۇلگىسىن كورىپ وتىر.

سىزدەردىڭ ەرەن ەڭبەكتەرىڭىز ءۇشىن العىس بىلدىرەمىز. بارلىق مەديتسينا قىزمەتكەرلەرىنە زور دەنساۋلىق، تولايىم تابىس جانە اماندىق تىلەيمىن"، - دەلىنگەن قۇتتىقتاۋدا.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار