ايتۋلى ۇيىم مۇشەلەرىنىڭ شەشىمىنە ساي وليمپيا ويىندارىنىڭ ليتسەنزيالارى الەم كۋبوگى بارىسىندا ساراپقا سالىنادى. بۇل دودا كەلەسى جىلدىڭ 20-23 مامىر ارالىعىندا رەسەيدىڭ بارناۋل قالاسىندا ۇيىمداستىرىلادى. جارىس جولىنا مىڭعا جۋىق سپورتشىلار قاتىسادى دەپ كۇتىلۋدە. سولاردىڭ اراسىنان وزىپ شىققاندار توكيودا باق سىناۋ مۇمكىندىگىنە يە بولادى.
ەستەرىڭىزگە سالا كەتەيىك, 2016 جىلى ريو-دە-جانەيرودا الاۋى تۇتانعان وليمپيا ويىندارىندا ەسكەك ەسۋشىلەر سايىسىندا گەرمانيا قۇراماسى جالپى كوماندالىق ەسەپتە كوش باستادى. نەمىستەر 4 التىن, 2 كۇمىس جانە 1 قولانى قورجىنعا سالدى. 3 التىن جانە 1 قولاسى بار يسپانيانىڭ وكىلدەرى ەكىنشى ورىنعا تابان تىرەسە, برازيليا كوگىندە ءوز ەلدەرىنىڭ ءانۇرانىن ءۇش مارتە شىرقاتقان ماجارستاننىڭ ەسكەكشىلەرى ءۇشىنشى ورىندى يەلەندى.
