ۇيىمداستىرۋشىلاردىڭ مالىمەتى بويىنشا, 2020/2021 جىلعى چەمپيوندار ليگاسىنىڭ ىرىكتەۋ كەزەڭىنە وزگەرىس ەنگەن. ەندى ەلەكتىك ماتچتار ۇيدەگى جانە سىرتتاعى كەزدەسۋ بولىپ بولىنبەي, تەك ءبىر ويىننان وتەدى. چەمپيوندار ليگاسىندا باق سىنايتىن ەلوردانىڭ «استانا» كومانداسى ەۋروكۋبوكتاعى جورىعىن 2020 جىلدىڭ 18-19 تامىز كۇندەرى العاشقى ىرىكتەۋ كەزەڭىنەن باستايدى. ەكىنشى ىرىكتەۋ كەزەڭى 25-26 تامىزعا, ءۇشىنشى كەزەڭ 15-16 قىركۇيەككە, ال پلەي-وفف ماتچى 22-24 جانە 29-30 قىركۇيەككە جوسپارلانعان.
ال ەۋروپا ليگاسىندا دوپ تەبەتىن «قايرات» پەن «ورداباسى» كوماندالارى ءتۋرنيردى 27 تامىزدا ءبىرىنشى ىرىكتەۋ كەزەڭ ويىندارىنان باستايدى. بىلتىر ەل كۋبوگىندا توپ جارعان «قايسار» ەكىنشى كەزەڭنەن باستايدى. ماتچتار 17 قىركۇيەكتە وتەدى. سونداي-اق 24 قىركۇيەككە ءۇشىنشى كەزەڭنىڭ ويىندارى, 1 قازانعا پلەي-وفف ماتچتارى جوسپارلانعان.
