بيىل "التىن بەلگى" العان 61 تۇلەك قازاق مەكتەبىن, 25-ءى - ورىس تىلىندە ءبلىم بەرەتىن مەكتەپتى تامامداعان. بۇعان قوسا 70 تۇلەك ۇزدىك اتتەستات يەگەرى اتاندى. مەكتەپ بىتىرۋشىلەردىڭ 84 پايىزى الداعى ۇلتتىق بىرىڭعاي تەست سىناعىندا باق سىناماق.
قالا باسشىسى ءوز سوزىندە 9 تۇلەگى «التىن بەلگىگە» يە ولعان №42 مەكتەپتى, 8 «التىنى» بار №44 مەكتەپ-گيمنازيانى, 7 وقۋشىسى مەكتەپتى التىن بەلگىگە بىتىرگەن №30 مەكتەپتى ارنايى اتاپ, ۇزدىك وقۋشىلار مەن ولاردىڭ ۇستازدارىن ۇلكەن جەتىستىگىمەن قۇتتىقتادى.
"الەمدى جايلاعان پاندەمياعا بايلانىستى ەلىمىزدە توتەنشە جاعداي جاريالانىپ, ساقتىق شارالارىن ساقتاۋ ماقساتىندا مەكتەپتەر قاشىقتان وقىتىپ, بيىلعى سوڭعى قوڭىراۋ ءراسىمى ونلاين تۇردە ءوتتى. ارقاشان دا ۇستازدار مەن اتا-انالاردىڭ قۋانىشتارىنا تىلەكتەسپىز, دەگەنمەن قاتەرلى دەرتتىڭ قاۋپى سەيىلگەن جوق. ساقتىق شارالارى بالالارىمىزدىڭ اماندىعى ءۇشىن جاسالىپ وتىر. سىندارلى ساتتە قيىن جاعدايعا قاراماستان وقۋشىلاردى ءبىلىم نارىمەن سۋسىنداتىپ, وقۋ ءۇردىسىن ناتيجەلى ۇيىمداستىرا بىلگەن ۇستازدارعا, بالالارعا تىرەۋ بولىپ, قولداۋ بىلدىرگەن اتا-انالار قاۋىمىنا زور العىسىمدى بىلدىرەمىن!", دەدى ابات اباي ۇلى.
ونلاين كەزدەسۋدە وقۋشىلار تاراپىنان №42 مەكتەپ-گيمنازيا تۇلەگى احات ءابدىراحمانوۆ, №46 مەكتەپتى ءبىتىرۋشى سىمبات داۋلەتشاروۆا ءسوز سويلەپ, الاڭسىز ءبىلىم الۋعا ۇستازدارى مەن اتا-انالارىنا, ەل اعالارىنا العىس ايتتى. مەكتەپ ءبىتىرۋشى تۇلەكتەر اتىنان ايانا قاجىموۆا مەن ءاليحان اجىمۇراتوۆ ء"بىر ءۇيدىڭ بالاسىنداي" اتتى ءاندى سىيعا تارتتى.
كەزدەسۋ سوڭىندا مەكتەپ ءبىتىرۋشى تۇلەكتەرگە قالا اكىمى اتىنان ەستەلىك كىتاپ جانە باعالى سىيلىقتار تابىس ەتىلدى.
باتىس قازاقستان
