ايماقتار • 16 ماۋسىم، 2020

الماتىنىڭ اۋەزوۆ اۋدانىندا 1 200 ورىندى جاڭا مەكتەپ اشىلادى

53 رەت كورسەتىلدى

قالا اكىمى باقىتجان ساعىنتاەۆ جۇمىس ساپارى بارىسىندا اۋەزوۆ اۋدانى تۇرعىندارىنىڭ بالاباقشالار مەن مەكتەپتەردە ورىن تاپشىلىعى، اباتتاندىرۋ جانە جۇمىس ورىندارىمەن قامتاماسىز ەتۋ جونىندەگى وتىنىشتەرىن شەشۋ جولدارىمەن تانىستى، - دەپ حابارلايدى Egemen.kz.

اۋەزوۆ اۋدانىنىڭ تۇرعىندارى كوتەرگەن ەڭ وزەكتى ماسەلەنىڭ ءبىرى – مەكتەپتەردەگى ورىن تاپشىلىعى. بۇگىنگى كۇنى اۋداندا 5365 ورىن جەتىسپەيدى. 6 مىڭعا جۋىق ادام تۇراتىن "مامىر" ىقشاماۋدانىندا 1200 ورىندى مەكتەپ سالىنۋدا. ب. ساعىنتاەۆ قۇرىلىس الاڭىن ارالاپ كوردى جانە قولدانىلاتىن قۇرىلىس ماتەريالدارىنىڭ ساپاسىن، قۇرىلىس جۇمىستارىنىڭ بارىسىن قاتاڭ باقىلاۋعا الۋدى تاپسىردى. جاڭا وقۋ جىلىندا سالىنىپ جاتقان وسى مەكتەپتى جانە "اقساي-3ا" ىقشاماۋدانىنداعى №123 مەكتەپ جانىنداعى 400 ورىندى قوسالقى نىساندى پايدالانۋعا بەرۋ جوسپارلانعان.

7

بۇلاردان وزگە، اعىمداعى جىلى بەس مەكتەپ جانىنان جالپى سىيىمدىلىعى 3550 ورىندى قوسالقى نىسانداردىڭ قۇرىلىستارى باستالادى. ولار - №6 مەكتەپ ىرگەسىنە سالىناتىن 900 ورىندى، №117 مەكتەپ قاسىنا سالىناتىن 900 ورىندى، №133 مەكتەپ جانىنان بوي كوتەرەتىن 400 ورىندى، №132 مەكتەپ ىرگەسىنە سالىناتىن 800 ورىندى جانە №121 مەكتەپ قاسىنان سالىناتىن 550 ورىندى نىساندار. وسىلايشا، اۋەزوۆ اۋدانىندا مەكتەپتەردەگى ورىن تاپشىلىعى ءىس جۇزىندە وڭ شەشىمىن تاباتىن بولادى.

2

جالپى، قالا بويىنشا مەكتەپتەردە 30 مىڭ ورىن جەتىسپەيدى. حالىقتىڭ سانى وسۋىنە وراي كەلەر وقۋ جىلىندا بۇل كورسەتكىش ەكى ەسەگە ارتاتىن بولادى. سوندىقتان 2020-2021 جىلدارى 16 جاڭا مەكتەپ جانە 23 قوسالقى نىسان سالۋ جوسپارلانعان، بۇلاردا شامامەن 47،5 مىڭى ورىن بولادى. ياعني، وقۋشى ورنىنىڭ تاپشىلىعى 80 پايىزعا قىسقارادى. قۇرىلىس جقجك، ءمجا باعدارلامالارى مەن جوبالارى جانە بيزنەستىڭ الەۋمەتتىك جاۋاپكەرشىلىگى بويىنشا ءارى جەكە كاسىپكەرلىكتى ىنتالاندىرۋ ارقاسىندا قارقىندى جۇرۋدە.

بالاباقشالارداعى ورىن تاپشىلىعى ماسەلەسىن شەشۋگە تۇرعىن كەشەندەرىن سالۋمەن اينالىساتىن كاسىپكەرلەر كومەكتەسۋدە. الماتى قالاسى اكىمىنىڭ تاپسىرماسى بويىنشا تك سالۋ كەزىندە الەۋمەتتىك نىساندار ءۇشىن ورىندار ءبولۋ مىندەتتى تۇردە قاراستىرىلۋى ءتيىس. بۇل ءبىلىم بەرۋدىڭ قالالىق مەكەمەلەرىنە تۇسەتىن جۇكتەمەنى ازايتۋعا سەپتىگىن تيگىزەدى. ء"ۇش سۇڭقار" تك "اقساي-5" ىقشاماۋدانىندا قۇرىلىس سالىپ جاتقان كومپانيا 115 ورىندى بالا باقشا ءۇشىن ارنايى ورىن ءبولدى.

1

اۋداندا 16584 بالانى قامتيتىن 46 مەملەكەتتىك جانە 122 جەكە بالاباقشا بار. مەملەكەتتىك تاپسىرىس بويىنشا 63 جەكە بالاباقشا جۇمىس جاساۋدا. 2019 جىلى مەملەكەتتىك (120 ورىندى) جانە 25 جەكە بالاباقشا (400 ورىندى) پايدالانۋعا بەرىلگەن بولاتىن.

2020 جىلى توعىز جەكە بالاباقشالاردى اشۋ جوسپارلانعان، بۇگىنگى كۇنى ولاردىڭ 178 ورىندى ۇشەۋى اشىلدى.

سوڭعى جاڭالىقتار

ۇقساس جاڭالىقتار