98 كۇننەن كەيىن العاشقى ويىنىن وتكىزگەن «بارسەلونا» كلۋبى فۋتبولدى ساعىنىپ قالعانى انىق بايقالدى. مەسسي باستاعان كوماندا «مالوركا» كلۋبىمەن كەزدەسىپ, جاۋاپسىز ءتورت دوپ سوقتى. ويىننىڭ ەكىنشى مينۋتىندا ارتۋرو ۆيدال ەسەپتى اشسا, 37-مينۋتتا مارتين مەرگەندىگىمەن كوزگە ءتۇستى. ەكىنشى تايمدا البا تابلوداعى كورسەتكىشتى 3:0-گە جەتكىزسە, ليونەل مەسسي ويىننىڭ نۇكتەسىن قويدى. مەسسي كەيىنگى ەكى گولدىڭ اسسيستەنتى بولعانىن دا ايتا كەتەيىك.
ءمادريدتىڭ «رەال» كومانداسى «ەستاديو الفرەدو دي ستەفانو» ستاديونىندا «ەيبار» كلۋبىن قابىلداپ, 3:1 ەسەبىمەن باسىم ءتۇستى. كورولدىك كلۋب كەزدەسۋ تاعدىرىن ءبىرىنشى تايمدا-اق شەشىپ تاستادى. 4-مينۋتتا توني كرووس ايىپ دوبىنان كەيىن ەسەپتى اشسا, 30-مينۋتتا سەرحيو راموس ءوزى باستاعان شابۋىلدى ناتيجەلى اياقتادى. ارادا جەتى مينۋت وتكەندە مارسەلو كومانداسىنىڭ ءۇشىنشى گولىن سوقتى. ال «ەيبار» كومانداسىنان ەكىنشى تايمدا بيگاس ءبىر گولمەن جاۋاپ قاتتى.
تۋرنير كەستەسىندە «بارسەلونا» 61 ۇپايمەن كوش باستاپ كەلەدى. ەكىنشى ورىنداعى «رەال» كومانداسىندا 59 ۇپاي بار.
