قۇجاتقا قول قويۋ شاراسىنا يندۋستريا جانە ينفراقۇرىلىمدىق دامۋ ۆيتسە-ءمينيسترى ا.ق. ەرجانوۆ, "قايتالاما مەتاللۋرگيانىڭ رەسپۋبليكالىق سالالىق قاۋىمداستىعىنىڭ" پرەزيدەنتى ۆ. ۆ. ليك, "قازاقستاننىڭ ءتۇستى جانە قارا مەتالل سىنىقتارىن دايىنداۋشىلار مەن وڭدەۋشىلەردىڭ ءورۇ" توراعاسى ۆ. يا. دۆورەتسكي, ء"تۇستى جانە قارا مەتالل سىنىقتارى مەن قالدىقتارىن جيناۋ, ساتۋ جونىندەگى كومپانيالار قاۋىمداستىعى" زتب توراعاسىنىڭ ورىنباسارى ا. م. بيسەنعاليەۆ, "Ferrum — Vtor" جشس ديرەكتورى ب. ك. قۇداباەۆ, "شىمكەنت تەمىر" جشس كەرىمباي ق. ز., "KSP Steel" جشس ديرەكتورى كەنجەباەۆ م. ك., "كاستينگ" جشس ديرەكتورى چەۆتاەۆ ۆ. ن. جانە "ارسەلورميتتال تەمىرتاۋ" اق ديرەكتورىنىڭ ءوندىرىس (جابدىقتاۋ جانە لوگيستيكا) جونىندەگى ورىنباسارى موحان ۆ قاتىستى.
مينيسترلىك ءتۇستى جانە قارا مەتالداردىڭ قالدىقتارى مەن سىنىقتاردى جيناۋ (دايىنداۋ), ساقتاۋ, قايتا وڭدەۋ جانە ساتۋ جونىندەگى قىزمەتتى رەتتەۋدى جۇزەگە اسىرۋ بويىنشا قۇزىرەت بەرۋ جونىندەگى جۇمىستى اياقتادى. قۇزىرەت ءتۇستى جانە قارا مەتالدار قالدىقتارى مەن سىنىقتاردى جيناۋ, ساقتاۋ, قايتا وڭدەۋ جانە وتكىزۋمەن اينالىساتىن زاڭدى تۇلعالار قىزمەتىنە قويىلاتىن تالاپتاردى بەلگىلەۋدى, ساتىپ الىنعان جانە وتكىزىلگەن سىنىقتار تۋرالى ەسەپتىلىكتى ۇسىنۋ نىسانى مەن مەرزىمىن ايقىنداۋدى كوزدەيدى.
وسى ەرەجەنى ىسكە اسىرۋ ءۇشىن كەلەسىدەي زاڭعا تاۋەلدى اكتىلەر قابىلدانىپ, بەكىتىلدى:
- "ساتىپ الىنعان جانە ساتىلعان سىنىقتار تۋرالى ەسەپتىلىكتى ۇسىنۋ نىسانى مەن مەرزىمدەرىن انىقتاۋ تۋرالى" بۇيرىق. مەملەكەتتىك تىركەلىمى 30.03.2020 ج. № 161. بۇل نورما ەلدەگى سىنىقتىڭ تۇزىلۋىنە مونيتورينگ جۇرگىزۋگە, سونداي-اق ەلدىڭ وڭىرلەردە قارا جانە ءتۇستى مەتالداردىڭ قالدىقتارى مەن سىنىقتاردىڭ باعاسىنىڭ وزەكتى وزگەرىستەرىن باقىلاۋعا مۇمكىندىك بەرەدى.
- ء"تۇستى جانە قارا مەتالداردىڭ قالدىقتارى مەن سىنىقتاردى جيناۋ, ساقتاۋ, قايتا وڭدەۋ جانە ساتۋ جونىندەگى قىزمەتتى جۇزەگە اسىراتىن زاڭدى تۇلعالارعا قويىلاتىن تالاپتاردى بەلگىلەۋ تۋرالى" بۇيرىق. مەملەكەتتىك تىركەلىمى 04.05.2020 جىلعى № 266. بۇيرىقتا بارلىق قاۋىپسىزدىك شارالارى, سونداي-اق ەلەكتر تەحنيكالىق جانە زىمىران-عارىشتىق سىنىقتاردى, بايلانىس جەلىلەرىنىڭ كابەلدەرىن, رەلستەردى, بۇرىن قولدانىستا بولعان تەمىر جول توسەمى مەن جىلجىمالى قۇرام ەلەمەنتتەرىن, كارىز قاقپاقتارىن قابىلداۋعا جول بەرمەۋ كوزدەلگەن.
قازىرگى ۋاقىتتا "قارا جانە ءتۇستى مەتالداردىڭ قالدىقتارى مەن سىنىقتاردى تاسىمالداۋدىڭ كەيبىر ماسەلەلەرى تۋرالى" يدم, ۇەم جانە قارجى مينيسترلىگىنىڭ بىرلەسكەن بۇيرىعى قولدانىلادى. وعان سايكەس قر اۋماعىنان قارا جانە ءتۇستى مەتالداردىڭ قالدىقتارى مەن سىنىقتاردى اۆتوكولىكپەن ءۇشىنشى ەلدەرگە جانە ەاەو-عا شىعارۋعا تىيىم سالىنادى. بۇيرىقتىڭ قولدانىلۋ مەرزىمى 2020 جىلدىڭ 18 قاراشاسىنا دەيىن.
يندۋستريا جانە ينفراقۇرىلىمدىق دامۋ ۆيتسە-ءمينيسترى امانياز ەرجانوۆ مينيسترلىك سىنىق نارىعىن ءتيىمدى رەتتەۋ ماقساتىندا سىنىق دايىنداۋشىلارمەن جانە مەتاللۋرگيالىق كاسىپورىندارمەن ىشكى جانە سىرتقى فورماتتا ماجىلىستەردى تۇراقتى نەگىزدە وتكىزىپ تۇراتىنىن اتاپ ءوتتى.
"بۇگىنگى كەلىسىمگە قول قويۋ – مەتاللۋرگيا سالاسى مەن سىنىق دايىنداۋشى كاسىپورىندار بيزنەس وكىلدەرى اراسىنداعى ءوزارا تۇسىنىستىككە قول جەتكىزۋدىڭ بەلگىسى. ارينە, بۇل ءبىزدىڭ تاڭداعان باعىتىمىزدىڭ دۇرىستىعىن دالەلدەيدى. البەتتە, بۇل - بارلىق مەتاللۋرگيالىق كەشەننىڭ, اتاپ ايتقاندا سىنىق دايىنداۋشىلار مەن مەتاللۋرگيالىق كاسىپورىنداردىڭ تۇراقتى جانە ۇزدىكسىز جۇمىس ىستەۋىن قامتاماسىز ەتۋدىڭ ءبىرىنشى كەزەڭى.
ىنتىماقتاستىق تۋرالى كەلىسىمگە قول قويۋ مەتاللۋرگيالىق جانە بالقىتۋ كاسىپورىندارىن قاجەتتى شيكىزاتپەن تولىق قامتاماسىز ەتەدى دەپ ۇمىتەنەمىز جانە سىنىقتاردى قايتا وڭدەۋ كاسىپورىندارىنىڭ ىشكى نارىق تۇتىنۋشىلىعىن 100% قامتاماسىز ەتۋگە مۇمكىندىگىن بەرەدى دەپ سەنەمىز", - دەدى ۆيتسە-مينيستر.
تاراپتار كەلىسىمنىڭ نەگىزگى ەرەجەلەرىن تالقىلادى. كەلىسىمدە تاراپتاردىڭ ۇزاق مەرزىمدى جانە تۇراقتى نەگىزدە ءوزارا ءتيىمدى جانە تەڭ قۇقىقتى ىنتىماقتاستىققا مۇددەلىلىگى ەسكەرىلەدى. ولار اشىقتىق جانە تاراپتار مۇددەلەرىن ءوزارا قۇرمەتتەۋ قاعيداتتارىنا نەگىزدەلگەن.
كەلىسىمدە مەتاللۋرگيالىق كاسىپورىنداردىڭمىناداي مىندەتتەمەلەرى قاراستىرىلعان:
- جەتكىزۋ كولەمىن كورسەتە وتىرىپ, سىنىق دايىنداۋ كومپانيالارىمەن مەتالل سىنىقتارىن جەتكىزۋگە ۇزاق مەرزىمدى كەلىسىم-شارتتار جاساسۋ;
- جاسالعان كەلىسىم-شارتتا كورسەتىلگەن شارتتار بويىنشا قولما-قول اقشاسىز نىساندا بەرىلگەن مەتالل سىنىقتارىنىڭ كولەمى ءۇشىن اقى تولەۋ;
- تولەم شارتتارى, مەتالل سىنىعىنا قويىلاتىن تەحنيكالىق تالاپتار جانە باسقا دا مىندەتتەمەلەر تىكەلەي كومپانيالار اراسىنداعى شارتتا ەسكەرتىلەتىن بولادى.
سىنىق دايىنداۋ كاسىپورىندارى مەتالل سىنىقتارىن جەتكىزۋ كولەمىن كورسەتە وتىرىپ, مەتاللۋرگيا كاسىپورىندارى ءۇشىن مەتالل سىنىقتارىن (سانى جانە ساپاسى بويىنشا) جەتكىزۋدىڭ تۇراقتىلىعىن قامتاماسىز ەتۋگە, مەتاللۋرگيالىق كومپانيالارمەن مەتالل سىنىقتارىن جەتكىزۋگە ۇزاق مەرزىمدى كەلىسىم-شارتتار جاساسۋعا مىندەتتەلەدى.
مينيسترلىك وز كەزەگىندە تاراپتاردىڭ جەتكىزۋلەر بويىنشا كەلىسىمشارتتىق مىندەتتەمەلەردى ورىنداۋىنا مونيتورينگ جۇرگىزەدى. بارلىق مەتاللۋرگيا كەشەنىنىڭ وتاندىق كاسىپورىندارىنىڭ, اتاپ ايتقاندا, سىنىق دايىنداۋ جانە مەتاللۋرگيا كاسىپورىندارىنىڭ تۇراقتى جانە ۇزدىكسىز جۇمىسىن قامتاماسىز ەتەدى. مەتاللۋرگيا كاسىپورىندارىنىڭ اتىنا ەل ىشىندە مەتالل سىنىقتارىن تەمىر جولمەن تاسىمالداۋ تاريفتەرىنە تومەندەتۋ كوەففيتسيەنتتەرىن بەلگىلەۋ جونىندەگى مەملەكەتتىك شارالاردى قابىلداۋعا جاردەمدەسۋدى كوزدەيدى.
وسىلايشا, كەلىسىمگە قول قويۋ مەتاللۋرگيا كاسىپورىندارىنىڭ شيكىزاتپەن تولىق جۇكتەلۋىن جانە ەلدىڭ سىنىق دايىنداۋشىلارىنىڭ تۇراقتى جۇمىسىن قامتاماسىز ەتەدى.
