ايماقتار • 15 ماۋسىم، 2020

پاۆلودار وبلىسىندا ورمان ءورتى نايزاعايدىڭ تۇسۋىنەن بولعان

54 رەت كورسەتىلدى

دەمالىس كۇندەرى وڭىردە ون ءبىر ورمان ءورتى ورىن الدى، - دەپ حابارلايدى pavlodarnews.kz ءتىلشىسى.

بۇل تۋرالى توتەنشە جاعدايلار دەپارتامەنتى باستىعىنىڭ مىندەتىن اتقارۋشى سامات اسايىنوۆ ءباسپاسوز كونفەرەنتسياسىندا مالىمدەدى.

ء"ورت قاۋىپتى كەزەڭ باستالعاننان بەرى وبلىستىڭ مەملەكەتتىك ورمان قورى اۋماعىندا 64 ءورت وقيعاسى تىركەلدى"، - دەيدى سامات اسايىنوۆ.

ءورتتىڭ جالپى اۋماعى 1636،7 گەكتاردى قۇرادى. سالدارىنان كەلتىرىلگەن ماتەريالدىق شىعىن 11 ميلليوننان استام تەڭگەنى قۇرادى. وتكەن دەمالىس كۇندەرى وبلىس ورماندارىندا 11 ءورت وقيعاسى بولدى. بولجام بويىنشا، ءتىلسىز جاۋ نايزاعايدىڭ تۇسۋىنەن شىققان. ەڭ ءىرى ءورت - 150 گەكتار گالكين اۋىلدىق وكرۋگىندە ورىن الدى.  بۇدان باسقا،  باياناۋىل ۇلتتىق پاركىندە كەشە ءورت بولدى. كەشكە قاراي 80 گا جانعانى تۋرالى حابارلاما ءتۇستى.

سپيكەردىڭ ايتۋىنشا، ءورتتىڭ باسىم بولىگى "ەرتىس ورمانى" رەزەرۆاتىنىڭ اۋماعىندا تىركەلگەن. رەزەرۆاتتا توعىز ءورت بولعان. ونىڭ ىشىندە جالعىز ءوسىپ تۇرعان اعاشتاردىڭ جانۋى دا بار. ورتتەردىڭ اۋماعى  150 گەكتاردان اسا جەردى قۇرادى،  قۇرعاق شوپپەن بىرگە قاراعايدىڭ جانۋى دا تىركەلدى.

"قازىرگى كەزدە ءورتتىڭ شىعۋ سەبەپتەرى مەن الاڭىن انىقتاۋ جانە تەكسەرۋ جۇمىستارىن جۇرگىزۋ ءۇشىن ارنايى وبلىستىق كوميسسيا قۇرىلدى"، - دەيدى سامات اسايىنوۆ.

"ەرتىس ورمانى" رەزەرۆاتى اۋماعىنداعى ءورتتى سوندىرۋگە ون سەگىز تەحنيكا، ءبىر مي-2 تىكۇشاعى جانە 48 ادام جۇمىلدىرىلدى.

سوڭعى جاڭالىقتار

اقسۋدا قارتتار ءۇيى ورتەندى

ايماقتار • بۇگىن، 09:57

ۇقساس جاڭالىقتار