ءبىر توپتا 15 بالادان ارتىق بولماۋ قاجەت. بالاباقشالار بالانى ۇيدە قالدىرۋعا مۇمكىندىگى جوق, جۇمىس ىستەيتىن اتا-انالار ءۇشىن جۇمىس ىستەيدى. مەكتەپكە دەيىنگى ۇيىمعا كەلمەگەن جاعدايدا بالانىڭ ورنى ساقتالادى. بالالاردى قابىلداۋ ۋچاسكەلىك پەدياتردان بالانىڭ دەنساۋلىق جاعدايى تۋرالى انىقتاما بولعاندا عانا جۇزەگە اسادى. بالانى بالاباقشاعا قابىلداۋ كەزىندە تاربيەشى مەديتسينالىق قىزمەتكەردىڭ باقىلاۋىمەن, اتا-انانىڭ قاتىسۋىمەن مىندەتتى تۇردە تەرمومەتريا ارقىلى بالانىڭ تەمپەراتۋراسىن ولشەيدى.
كوروناۆيرۋستىڭ تارالۋ قاۋپى ءالى دە بار. سانيتارلىق نورمالاردى ساقتاۋ قاجەت: ماسكا كيىپ, قولدى انتيسەپتيكپەن وڭدەپ, قاشىقتىقتى ساقتاعان ءجون. قالالىق قوعامدىق دەنساۋلىق ساقتاۋ ءبولىمىنىڭ باسشىسى ساۋلە كيسيكوۆا اتاپ وتكەندەي, سانيتارلىق نورمالاردى ساقتاماۋ قالا اۋرۋحانالارىنىڭ تولىپ كەتۋىنە اكەلۋى مۇمكىن.
"قاۋىپتى ينفەكتسياعا ءتىپتى دەنى ساۋ جاستار دا شالدىقتى. ساق بولۋ كەرەك. ءبىر ادامنىڭ سالعىرتتىعى باسقا تۇرعىنداردىڭ دەنساۋلىعىنا اسەر ەتۋى مۇمكىن. كوروناۆيرۋس ساناۋلى كۇندەر ىشىندە ادامنىڭ دەنساۋلىعىن كۇرت ناشارلاتادى, ءوزىن - ءوزى ەمدەۋمەن اينالىسپاۋ قاجەت", دەدى ساۋلە كيسيكوۆا.
