ايماقتار • 12 ماۋسىم، 2020

اتىراۋدا ون كۇندە ءۇش ادام سۋعا باتىپ كەتتى

149 رەت كورسەتىلدى

سۋ دا – ءتىلسىز جاۋدىڭ ءبىرى. اتىراۋ وبلىسىندا سوڭعى ون كۇندە سۋعا كەتۋدىڭ ءۇش وقيعاسى تىركەلدى، - دەپ حابارلايدى Egemen.kz

ماۋسىمنىڭ العاشقى اپتاسىندا جىلىوي اۋدانىنىڭ 30 جاستاعى تۇرعىنى جەم وزەنىنە باتىپ كەتكەن ەدى. ال كەشە 11 جاسار بالا  جايىق وزەنىندە ءجانتاسىلىم ەتتى. ەندى وسىنداي وقىس وقيعا  قىزىلقوعا اۋدانىندا تىركەلىپ وتىر.

توتەنشە جاعدايلار دەپارتامەنتىنىڭ مالىمەتىنە سۇيەنسەك، 48 جاستاعى ەر ادام ويىل وزەنىنە سۋعا تۇسكەن. الايدا، وزەننىڭ ارنايى جابدىقتالماعان تۇسىندا شومىلىپ ءجۇرىپ، سۋدان كەرى شىقپاي قالعان. ونى ىزدەۋ  11 ماۋسىمدا  كەشكى ساعات 18:07-دە باستالىپتى.

"ىزدەستىرۋگە توتەنشە جاعداي قىزمەتىنىڭ 5 قىزمەتكەرى، 1 تەحنيكا مەن جەرگىلىكتى تۇرعىندار جۇمىلدىرىلدى. كەشە كەشكى ساعات 19.30-دا سۋعا باتىپ كەتكەن ادامنىڭ دەنەسى تابىلىپ، جاعاعا شىعارىلدى" -دەپ حابارلادى دەپارتامەنتتىڭ ءباسپاسوز قىزمەتى.

سوڭعى جاڭالىقتار

ۇقساس جاڭالىقتار