حالىقارالىق اۋىر اتلەتيكا فەدەراتسياسىنىڭ كەيىنگى ەكى سايلاۋ كونگرەسىندە سايلاۋشىلارعا پارا بەرۋ ورشىگەنى انىقتالىپ, وڭ ناتيجە بەرگەن 40 دوپينگ سىناماسى جاسىرىلعان. بۇل تۋرالى اۋىر اتلەتيكا بويىنشا سىبايلاس جەمقورلىققا قاتىستى تەرگەۋدى باسقارعان زاڭگەر ريچارد ماكلارەن مالىمدەدى.
سونىمەن قاتار حوك باسشىسى توماس باح اۋىر اتلەتيكا تۋرالى تاماش اياننىڭ بايانداماسى قاتتى تاڭعالدىردىعانىن ايتادى. ء«بىز IWF-ءتى تازارتۋدىڭ جولىن تابۋىمىز كەرەك. ولارعا كومەكتەسكىمىز كەلەدى. ءبىزدىڭ قاتاڭ شارالار قابىلداۋعا قۇقىعىمىز بار. ءتىپتى اۋىر اتلەتيكانى وليمپيادا باعدارلاماسىنان شىعارىپ تاستاۋىمىز دا مۇمكىن», دەدى باح.
ايتا كەتەيىك, 81 جاستاعى تاماش ايان IWF-ءتى 2000 جىلدان 2020 جىلعا دەيىن باسقارعان. ساۋىردە وتكەن IWF اتقارۋشى كوميتەتىنىڭ وتىرىسىندا تاماش اياننىڭ وتستاۆكاسىن ماقۇلداعان بولاتىن.
