كاسىپكەرلەر ۇكىمەت باسشىسىنا اۋىل شارۋاشىلىعى, ازىق-ت ۇلىك ونەركاسىبى, تۋريزم, قوعامدىق تاماقتانۋ, ساۋدا, قۇرىلىس, ءبىلىم بەرۋ, وڭدەۋ ونەركاسىبى سالالارىنداعى بيزنەستىڭ وزەكتى ماسەلەلەرى تۋرالى ايتىپ بەردى.
بيزنەس-قاۋىمداستىقتىڭ سۋبسيديالار الۋ, جەڭىلدىكتى نەسيە بەرۋ جانە اعىمداعى قارىزداردى قايتا قۇرىلىمداۋ, نەسيەلەر بويىنشا تولەمدەردى كەيىنگە قالدىرۋ, اۋىل شارۋاشىلىعى تەحنيكاسىنىڭ ليزينگى, تاريف بەلگىلەۋ, مەملەكەتتىك جانە كۆازيمەملەكەتتىك سەكتورلاردىڭ ساتىپ الۋلارىنا وتاندىق تاۋار وندىرۋشىلەردىڭ قاتىسۋىن ودان ءارى ارتتىرۋ, مەملەكەتتىك ساتىپ الۋ تۋرالى شارتتار بويىنشا مىندەتتەمەلەردى ورىنداۋ مەرزىمدەرىن قايتا قاراۋ ماسەلەلەرىنە قاتىستى ۇسىنىستارى قارالدى.
كەڭەستەردىڭ مودەراتورى "اتامەكەن" ۇكپ بولدى. بارلىق وڭىرلەردەن 229 بيزنەسمەن قاتىستى, 40-تان استام ادام بايانداما جاسادى. ماسەلەلەردى تالقىلاۋعا "اتامەكەن" ۇكپ تورالقا توراعاسى ت. ق ۇلىباەۆ, ورتالىق مەملەكەتتىك ورگانداردىڭ باسشىلارى, وبلىستاردىڭ جانە رەسپۋبليكالىق ماڭىزى بار قالالاردىڭ اكىمدەرى, "سامۇرىق-قازىنا" ۇاق" اق, "بايتەرەك" ۇبح" اق جانە سالالىق بيزنەس-قاۋىمداستىقتاردىڭ وكىلدەرى قاتىستى.
ۇكىمەت باسشىسى بەيىندى مينيسترلىكتەر مەن وڭىرلەردىڭ اكىمدىكتەرىنە بيزنەستىڭ وزەكتى ماسەلەلەرىن قاراۋدى جانە ولاردى شەشۋ بويىنشا شارالار قابىلداۋدى, سونداي-اق كاسىپكەرلىكتى دامىتۋدىڭ جۇيەلى ماسەلەلەرىن ەكونوميكالىق ءوسىمدى قالپىنا كەلتىرۋ جونىندەگى مەملەكەتتىك كوميسسيانىڭ قاراۋىنا شىعارۋدى تاپسىردى.
"ۇكىمەتتىڭ مىندەتى – ىسكەرلىك بەلسەندىلىكتى قالپىنا كەلتىرۋ ءۇشىن بارلىق قاجەتتى جاعدايلاردى جاساۋ. ءبىز بيزنەستىڭ داعدارىسقا دەيىنگى دەڭگەيىنە تەزىرەك قايتا كەلۋى ءۇشىن بارلىق كۇش-جىگەردى جۇمساۋىمىز كەرەك", — دەدى ا. مامين.
