ايماقتار • 11 ماۋسىم، 2020

ەلوردادا ۇبت كەزىندە وقۋشىلاردىڭ قاۋىپسىزدىگى قالاي قامتاماسىز ەتىلەدى؟

20 رەت كورسەتىلدى

تەستىلەۋ كەزىندە پوليتسيا قىزمەتكەرلەرى قوعامدىق ءتارتىپتى قامتاماسىز ەتەدى. تۇلەكتەردىڭ اتا-انالارى ۇيدە قالۋى ءتيىس. ولار ءۇشىن اۋديتوريالاردان ونلاين كورسەتىلىم ۇيىمداستىرىلادى، دەپ حابارلايدى ەلوردا اكىمدىگىنىڭ رەسمي سايتى.

ءبىلىم باسقارماسىندا ۇلتتىق بىرىڭعاي تەستىلەۋ كەزىندەگى قاۋىپسىزدىك شارالارى تۋرالى ايتىلدى.

"وقىتۋشىلار مەن تۇلەكتەر اراسىندا COVID-19 تارالۋىن بولدىرماۋ جانە الدىن-الۋ بويىنشا ءتۇسىندىرۋ جۇرگىزىلۋدە. سىنىپتاردا ۇستەلدەر اراسىنداعى قاشىقتىق كەمىندە ەكى مەتر بولۋى كەرەك. نۇسقاۋلىقتا جازىلعانداي دەزينفەكتسيالىق قۇرالدارمەن قامتاماسىز ەتۋ (رەسپيراتورلى ماسكالار، قولعاپتار، سانيتايزەرلەر); تەرمومەتريانىڭ ساقتالۋى، تەكسەرىلەتىن ادام مەن قىزمەتكەر اراسىنداعى قاشىقتىق كەمىندە ءبىر مەتر; ۋنيۆەرسيتەتتەردىڭ اۋديتوريالارىندا سانيتارلىق-دەزينفەكتسيا رەجيمىن ساقتاۋ; جەلدەتۋ جۇيەلەرى مەن اۋا باپتاۋ جۇيەلەرىنىڭ ۇزدىكسىز جۇمىسىن قامتاماسىز ەتۋ"، – دەپ ءتۇسىندىردى باسقارمادا.

ۇبت كەزىندە قوعامدىق ءتارتىپتى 100 پوليتسيا قىزمەتكەرى مەن 10 ارنايى كولىك قامتاماسىز ەتەدى. سونىمەن قاتار 9 مەديتسينا قىزمەتكەرى جانە ءۇش جەدەل جاردەم جۇمىلدىرىلادى. 24 قىزمەتكەر ءورت قاۋىپسىزدىگىن قاداعالايدى، 46 اۆتوبۋس قالا شەتىندە تۇراتىن 540 تۇلەكتى تاسىمالداۋدى قامتاماسىز ەتەدى.

ءبىلىم باسقارماسى تۇلەكتەردىڭ اتا-انالارى بالالاردىڭ دەنساۋلىعى مەن قاۋىپسىزدىگىن قامتاماسىز ەتۋ ءۇشىن توپتانىپ جينالماي، ۇيدە وتىرۋى كەرەك ەكەنىن تاعى ءبىر اتاپ ءوتتى. ولار ءۇشىن اۋديتوريادان ونلاين ترانسلياتسيا ۇيىمداستىرىلادى.

حابارلانعانداي، بيىل مەكتەپتى 6515 وقۋشى ءبىتىردى. ۇبت-عا قاتىسۋعا 95% نەمەسە 6255 ادام ءوتىنىش بەردى، ونىڭ ىشىندە 3661-ءى قازاق، 2554-ءى ورىس، 40-ى اعىلشىن تىلىندە.

سوڭعى جاڭالىقتار

ۇقساس جاڭالىقتار