ايماقتار • 10 ماۋسىم، 2020

اتىراۋدا اقكول اۋىلىنا كىرىپ-شىعۋ شەكتەلدى

242 رەت كورسەتىلدى

قۇرمانعازى اۋدانىنداعى اقكول اۋىلدىق وكرۋگى 18 ماۋسىم كۇنگى تاڭعى ساعات 07:00-گە دەيىن كارانتينگە جابىلدى، - دەپ حابارلايدى Egemen.kz.

اتالعان وكۋرگتە كارانتين ەنگىزۋ تۋرالى اۋداندىق باس مەملەكەتتىك سانيتارلىق دارىگەرى كارل ۋتاروۆ ارنايى قاۋلىعا قول قويدى. بۇعان اقكول اۋىلدىق وكرۋگىندە 18 ادامنان كوروناۆيرۋس ينفەكتسياسى انىقتالىپ، 1 ادامنىڭ كوز جۇمعانى سەبەپ بولىپ وتىر.

"اقكول اۋىلدىق وكرۋگى اۋماعىنا كىرۋگە جانە ودان شىعۋعا تىيىم سالىنادى، تۇرعىلىقتى جەرىندە ساعات 06.00-22.00-گە دەيىن جۇرۋىنە رۇقسات ەتىلسىن. باسقا ەلدى مەكەندەردىڭ تۇرعىندارىنا اقكول اۋىلدىق وكرۋگى اۋماعىنا كىرۋگە قاتاڭ تىيىم سالىنسىن. تەمىر جول ستانتسياسىنا كەلىپ توقتاعان پوەزد ۆاگوندارىنىڭ ەسىكتەرى اشىلماسىن، ادامدارعا تۇسۋگە مىنۋگە قاتاڭ تىيىم سالىنسىن. رەسەي فەدەراتسياسى اۋماعىندا جۇمىس جاسايتىن قىزمەتكەرلەرگە مەكەمە باسشىلارى 15 كۇنگە ۆاحتالىق ادىسپەن جۇمىس جاساۋدى ۇيىمداستىرسىن. 15 كۇندىك جۇمىستان كەلگەن قىزمەتكەرلەر 14 كۇنگە ءۇي كارانتينىنە الىنسىن"، - دەلىنگەن قاۋلىدا.

سوڭعى جاڭالىقتار

شيرەك فينالعا ءوتتى

تەننيس • كەشە

ۇقساس جاڭالىقتار