بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى باتىربەك اليەۆ ءمالىم ەتتى.
ء"بىر اپتا بۇرىن جاعداي تۇراقتى بولعان", - دەدى باتىربەك اليەۆ.
دەگەنمەن سوڭعى اپتادا جاعداي كۇردەلەنە ءتۇستى. سوندىقتان كارانتين شارالارىن كۇشەيتۋ قاراستىرىلۋدا. ءبىر كۇندە كورسەتكىش 10,4 پايىزدى قۇرادى. 1-7 ماۋسىم ارالىعىندا 30,1 پايىزعا جەتتى. اپتانىڭ سوڭىنا قاراي كۇرت ءوسىپ كەتتى. مۇنداي جاعداي كارانتين شارالارىن ساقتاماۋ سالدارىنان ورىن الىپ وتىر. سوندىقتان ەكىباستۇزدا ەپيدەميولوگيالىق جاعداي تۇراقسىز بولىپ تۇر. ايتۋىنشا, قازىرگى تاڭدا كارانتين شارالارىن كۇشەيتۋگە قاتىستى سانيتارلىق دارىگەردىڭ قاۋلىسى ازىرلەنۋدە. بۇل قۇجاتقا سايكەس قوعامدىق كولىكتەردىڭ قوزعالىسىن ساعات التىدان كەشكى 20.00-گە دەيىن, ويىن-ساۋىق-ساۋدا ورتالىقتارى, قوعامدىق تاماقتانۋ ورىندارى, ساياباقتار مەن سكۆەرلەردىڭ جۇمىسىن شەكتەۋ قاراستىرىلۋدا. سونداي-اق, مونيتورينگ توپتارىنىڭ جۇمىسى كۇشەيتىلەدى.
"اسىرەسە اۆتوبۋستاردا ماسكا تاعۋ رەجيمى كۇشەيتىلەدى, الەۋمەتتىك قاشىقتىقتى ساقتاۋ كەرەك", - دەيدى ءوڭىردىڭ باس سانيتارلىق دارىگەرى.
بۇقارالىق جاپپاي شارالاردى وتكىزۋگە تىيىم سالىنادى. كارانتين شارالارىن ەنگىزۋدىڭ ماقساتى – اۋرۋدىڭ ءوسۋ قارقىنىن توقتاتۋ. ايتا كەتەرلىگى, پاۆلودار وبلىسىندا COVID-19-دىڭ 301 جاعدايى تىركەلسە, ونىڭ 191-ءى ەكىباستۇز قالاسىنا, 102-ءسى پاۆلودارعا تيەسىلى.
