ايماقتار • 09 ماۋسىم، 2020

اتىراۋدا 39 مامان "ديپلوممەن اۋىلعا" بارادى

152 رەت كورسەتىلدى

جوعارى وقۋ ورنىن بىتىرگەن جاس ماماندى قولدايتىن جوبانىڭ ءبىرى – "ديپلوممەن اۋىلعا". وڭىرلىك كوممۋنيكاتسيالار قىزمەتىنىڭ مالىمەتىنە سۇيەنسەك، بيىل اتالعان جوبامەن  جۇمىسقا  ورنالاساتىن جاس مامانداردىڭ باسىم بولىگى يندەر  اۋدانىنا بارادى، - دەپ جازادى Egemen.kz

جاسىراتىنى جوق، ەلدى مەكەندەردە جۇمىس ىستەۋگە ءوتىنىش بەرەتىندەردىڭ دەنى – جاس مۇعالىمدەر مەن دارىگەرلەر. ماسەلەن، بىلتىر ءبىلىم بەرۋ سالاسىنا 21، دەنساۋلىق ساقتاۋ مەكەمەلەرىنە 8 جاس مامان جۇمىسقا تارتىلدى.  وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ مالىمەتىنە قاراعاندا، بيىل 135 جاس مامانعا جەڭىلدەتىلگەن نەسيە بەرۋ جوسپارلانىپ وتىر.  

"قازىر 39 ماماننىڭ ءوتىنىشى ماقۇلداندى. جاس مامانداردىڭ ءوتىنىش بەرۋگە ءالى دە مۇمكىندىگى بار. بۇل ءۇشىن قالالىق، اۋداندىق اكىمدىكتەردىڭ ەكونوميكا جانە قارجى بولىمدەرىنە نەمەسە حقكو-عا قۇجاتتارىن تاپسىرۋى قاجەت"، -دەيدى اتىراۋ وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ ماماندارى.

بيىل  اۋىلدارعا جۇمىسقا كەلەتىن ماماندارعا جەرگىلىكتى بيۋدجەتتەن 100 اەك كولەمىندە بىرجولعى كوتەرمە جاردەماقى، ال، تۇرعىن-ءۇي ساتىپ الۋعا 1500 اەك شاماسىندا نەسيە  بەرۋ قاراستىرىلىپتى.

 

 

 

 

 

سوڭعى جاڭالىقتار

ۇقساس جاڭالىقتار