كاسىپورىن الدىندا تۇرعان نەگىزگى مىندەتتەردىڭ ءبىرى – مەملەكەتتىك اۆياتسيانىڭ اۋە تەحنيكاسى جارامدىلىعىن قالپىنا كەلتىرۋ بويىنشا مەملەكەتتىك قورعانىس تاپسىرىسىن ورىنداۋ. بۇل مىندەتتەردى اسكەري ۇشاقتاردى پايدالانۋدا تاجىريبەسى مەن داعدىسى بار ماماندار, سونداي-اق ەلىمىزدىڭ جانە شەتەلدەردىڭ بەيىندى وقۋ ورىندارىندا ءبىلىم العان جاس ينجەنەرلەر مەن تەحنيكتەردەن تۇراتىن جوعارى بىلىكتى قىزمەتكەرلەر ورىندايدى. 2018-2020 جىلدارى قازاقستان اۋماعىندا العاش رەت وتاندىق كاسىپورىن ان-72, سۋ-25, سۋ-27, س-295 ۇشاقتارىندا رەگلامەنتتىك جۇمىستاردى ورىندادى. سوڭعى جىلدارى كاسىپورىننىڭ شتاتتىق قىزمەتكەرلەرى 2 ەسەگە, ياعني 200 ادامعا دەيىن ارتتى.
بيىل ەلىمىزدىڭ مەملەكەتتىك ورگاندارىن قامتاماسىز ەتۋ ءۇشىن تيىمدىلىگى جوعارى كوپفۋنكتسيونالدى ۇشقىشسىز ۇشاتىن اپپاراتتاردى قۇراستىراتىن ءوندىرىستى ۇيىمداستىرۋ جوسپارلانىپ وتىر. سونىمەن قاتار كاسىپورىن الدىندا اۆياتسيالىق قىزمەتتەردىڭ ازاماتتىق نارىعىنا, ونىڭ ىشىندە ەكسپورتقا شىعۋ ماقساتى تۇر. بۇل شارالار بولاشاقتا وڭىرلىك كوپفۋنكتسيونالدى سەرۆيستىك اۆياتسيالىق ورتالىق مارتەبەسىنە ۇمىتكەر بولۋعا مۇمكىندىك بەرەدى.
