– مەنىڭ الماتى قالاسى قوعامدىق دەنساۋلىق باسقارماسىنىڭ باسشىسى رەتىندە العاشقى بريفينگىمە قوش كەلدىڭىزدەر. وسىنداي كونفەرەنتسيالار جۇيەلى تۇردە وتەتىندىگىنە سەنەمىن. الماتى مەن ءۇشىن تۋعان جەرىم, ءبىلىم الىپ, العاشقى كاسىبي قادامدارىمدى جاساعان قالا, سوندىقتان وسىندا جۇمىس ىستەۋ مەن ءۇشىن وتە جاعىمدى جانە جاۋاپتى دەپ سانايمىن, – دەپ باستادى ءسوزىن مەگاپوليستىڭ باس دارىگەرى.
كامالجان نادىروۆ الدىمەن الماتىدا كوروناۆيرۋستىق ينفەكتسيامەن كۇرەس اياسىندا جۇرگىزىلگەن جۇمىستاردى رەتىمەن, تىزبەكتەپ شىقتى:
- ەپيدەمياعا قارسى جانە پروفيلاكتيكالىق ءىس-شارالاردى ۇيلەستىرۋ ءۇشىن جاعدايعا مونيتورينگ جۇمىستارىن تۇراقتى تۇردە جۇرگىزىپ وتىراتىن كوروناۆيرۋستىق ينفەكتسيانىڭ الدىن الۋ جونىندەگى وڭىرلىك شتاب قۇرىلدى.
- الماتى قالاسىنىڭ اۋماعىندا كوروناۆيرۋستىق ينفەكتسيا جاعدايلارىنىڭ اكەلىنۋى مەن تارالۋىنىڭ الدىن الۋدا پروفيلاكتيكالىق, ەپيدەمياعا قارسى ءىس-شارالاردىڭ كەشەندى جوسپارى بەكىتىلدى.
- كوروناۆيرۋستىق ينفەكتسيانىڭ اكەلىنۋى مەن تارالۋىنىڭ الدىن الۋ بويىنشا بارلىق مۇددەلى قىزمەتتەردىڭ ءوزارا ءىس-قيمىل الگوريتمى بەكىتىلدى.
دۇيسەنبى كۇنى وزدەرىڭىز بىلەتىندەي, ءبىزدىڭ ەلدە پاندەميا تۋرالى جاريالانعانعا دەيىن COVID-19 ۆيرۋسىنىڭ اكەلىنۋى مەن تارالۋىن بولدىرماۋ ءۇشىن ءتيىمدى شارالار قابىلداندى.
مەديتسينا قىزمەتكەرلەرى الماتى قالاسى بويىنشا ەپيدەميولوگتارمەن جانە سانيتارلىق ماماندارمەن بىرلەسە وتىرىپ, شامامەن 2 مىڭ رەيس قابىلداپ, ەكى ءجۇز مىڭنان استام جولاۋشىمەن جۇمىس جۇرگىزدى. مەنىڭ ارىپتەستەرىم شەتەلدەن كەلگەن وتانداستارىمىزدى تاۋلىك بويى قابىلداپ, كارانتيندىك ستاتسيونارلارعا, قوناق ۇيلەرگە ورنالاستىرىپ, تەستىلەۋ جۇرگىزدى, – دەدى ك. نادىروۆ.
– بۇگىنگى كۇنى قالاداعى كۆي جاعدايى تۇراقتالدى, سوڭعى ايدا اۋرۋعا شالدىعۋدىڭ ورتاشا ءوسىمى شامامەن 2,3%-عا, سوڭعى اپتادا ءوسىم 1,1 پايىزدى قۇرادى. قازىرگى ۋاقىتتا الماتىدا تىركەلگەن كۆي جاعدايلارىنىڭ سانى – 2882, ونىڭ ىشىندە 1875 ادام ساۋىعىپ, ەمدەۋدەن شىعارىلدى, بۇل تىركەلگەندەردىڭ جالپى سانىنىڭ 65%-ىن قۇرايدى, تەك وتكەن اپتادا 323 ادام ەمدەلىپ شىقتى. وكىنىشكە وراي, ءولىم-ءجىتىم جاعدايلارى دا ورىن الىپ – 10 ادام كۆي-دەن قايتىس بولدى, وسىلايشا قازىرگى ۋاقىتتا 975 پاتسيەنت ەمىن جالعاستىرۋدا. مەديتسينالىق ۇيىمدار شتاتتىق رەجيمدە بەكىتىلگەن ەمدەۋگە جاتقىزۋ الگوريتمىنە سايكەس جۇمىس ىستەۋدە.
قازىر قوعامدىق دەنساۋلىق باسقارماسىنىڭ نەگىزگى كۇش-جىگەرى مەديتسينا قىزمەتكەرلەرىنىڭ قاۋىپسىز ەڭبەك جاعدايلارىن قامتاماسىز ەتۋگە جانە مەديتسينالىق كومەك الۋ كەزىندە پاتسيەنتتەردىڭ قاۋىپسىز بولۋىنا باعىتتالعان. مەديتسينا قىزمەتكەرلەرى بارلىق قاجەتتى جەكە قورعانۋ قۇرالدارىمەن قامتاماسىز ەتىلگەن. بۇدان باسقا, اۋرۋدىڭ مۇمكىن بولاتىن جاڭا تولقىنىنا – كۇزگى كەزەڭىنە دايىندىق جۇمىستارى جۇرگىزىلۋدە, دەدى قوعامدىق دەنساۋلىق باسقارماسىنىڭ باسشىسى.
الماتى
