ايماقتار • 08 ماۋسىم، 2020

اتىراۋدان شىمكەنتكە ۇشاق ۇشادى

214 رەت كورسەتىلدى

مۇنايلى شاھاردان شىمكەنت قالاسىنا قاتىنايتىن اۋە رەيسىن اشۋ جوسپارلانىپ وتىر. وڭىرلىك كوممۋنيكاتسيالار قىزمەتىنىڭ مالىمەتىنە سۇيەنسەك، العاشقى كەزەكتە ارنايى رەيس «اتىراۋ-شىمكەنت» جانە «شىمكەنت-اتىراۋ» باعىتىندا قاتىنايدى.

– ەكى قالا اراسىنداعى اۋە تاسىمالىن  قازاقستاندىق FlyArystan اۋە كومپانياسى جۇزەگە اسىرادى دەپ كۇتىلۋدە. ويتكەنى، اتىراۋ وبلىسى اكىمدىگىنىڭ باستاماسىمەن «اتىراۋ» الەۋمەتتىك-كاسىپكەرلىك كورپوراتسياسى» اق  مەن FlyArystan اۆياكومپانياسى اراسىندا كەلىسسوز باستالدى. ماقسات –جولاۋشىلاردى قولجەتىمدى اۆيابيلەتپەن  قامتاماسىز ەتۋ، - دەپ حابارلادى وڭىرلىك كوممۋنيكاتسيالار قىزمەتى.

قازىر تاراپتار  كەلىسىمدى تالقىلاپ جاتىر. جاقىن ارادا  اتىراۋ قالاسىنان تۇراقتى جولاۋشىلار رەيسىن باستاۋ جونىندە كەلىسىمشارتقا قول قويىلماق.

 

اتىراۋ

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

ۇقساس جاڭالىقتار