ايماقتار • 07 ماۋسىم، 2020

اتىراۋدا ارمەنيالىق 160 كولىك تىركەلدى

79 رەت كورسەتىلدى

ماۋسىمنىڭ 1-نەن بەرى اتىراۋدا ارمەنيادان اكەلىنگەن 160-استام كولىك تىركەلدى، – دەپ حابارلايدى Polisia.kz.

ماۋسىمنىڭ 1-نەن باستاپ ەلىمىزگە 2020 جىلدىڭ 1 اقپانىنا دەيىن ارمەنياداعى اكەلىنگەن اۆتوموبيلدەر ەسەپكە الىنىپ جاتىر.

اتىراۋ وبلىسى پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى مىرزالى وتەعاليەۆتىڭ ايتۋىنشا، كولىكتى تىركەۋ قۇنى 11 946 تەڭگەنى قۇرايدى. ونىڭ 695 تەڭگەسى تىركەۋ ءۇشىن الىم، تەحنيكالىق تولقۇجات ءۇشىن – 3 773 تەڭگە، مەملەكەتتىك ءنومىر ءۇشىن – 7 778 تەڭگە تولەۋ كەرەك.

ەسەپكە الىنعان كولىكتەرگە تەك سارى ءنومىر بەرىلەدى، ويتكەنى كولىك ارمەنيانىڭ ۋاكىلەتتى ورگاندارىندا ەسەپتە تۇرعاندىقتان، تىركەۋ كەزىندە، قازاقستاندا ولارعا باسقا مەملەكەتتە تۇراقتى تىركەلگەن كولىك قۇرالدارى ءۇشىن سارى ءتۇستى نومىرلەر بەرىلەدى. ايتا كەتەرلىگى، وڭ جاق ءرولدى كولىكتەر تىركەۋگە جاتپايدى. اتىراۋ وبلىسىندا ارمەنيادان الىپ كەلگەن 7000-عا جۋىق كولىك بار.

ارمەنيادان الىپ كەلگەن كولىكتەردى تىركەۋ 1 ماۋسىم – 1 قىركۇيەك ارالىعىندا جۇرگىزىلەدى. پوليتسيا دەپارتامەنتىنىڭ ءاپب باستىعىنىڭ ايتۋىنشا، كولىك ارمەنيادان الىپ كەلگەن ادامنىڭ اتىنا عانا تىركەلەدى. تىركەۋ ءۇشىن اتىراۋ-استراحان تاس جولى بويىنداعى مامانداندىرىلعان حالىققا قىزمەت كورسەتۋ ورتالىعىنا كەلۋى كەرەك. كولىك يەسىنىڭ قولىندا جەكە كۋالىك پەن كولىك قۇجاتتارى بولۋى ءتيىس.

پوليتسيا دەپارتامەنتىمەن مامانداندىرىلعان حالىققا قىزمەت كورسەتۋ ورتالىعىندا ارنايى اشىلعان Call-ورتالىعىنا كۇنى بۇگىن 300-گە جۋىق اتىراۋ تۇرعىندارى ساۋالدارىنا جاۋاپتار الدى. كولىكتەردى تىركەۋ دۇيسەنبى-سەنبى كۇندەرى 09.00-20.00، جەكسەنبى كۇنى 09-13.00 ارالىعىندا جۇزەگە اسىرىلادى.

سوڭعى جاڭالىقتار

ساقتىقتا قورلىق جوق

كوروناۆيرۋس • بۇگىن، 06:30

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار