ايماقتار • 06 ماۋسىم، 2020

قاراعاندى وبلىسى: وساكاروۆ اۋدانىندا – وڭ وزگەرىستەر

535 رەت كورسەتىلدى

وساكاروۆ اۋدانىندا 2020-2021 جىلدارعا ارنالعان «جۇمىسپەن قامتۋدىڭ جول كارتاسى» باعدارلاماسى اياسىندا قولعا الىناتىن جوبالارعا 1 ميلليارد 562 ميلليون 718 مىڭ تەڭگە بولىنگەن. باستى ماقسات – جاڭا جۇمىس ورىندارىن اشۋ. مىسالى، 36 ينفراقۇرىلىمدىق جوبانى جۇزەگە اسىرۋ باعىتىندا 364 جۇمىس ورنىن اشۋ كوزدەلگەن.

«بۇل ورايدا، اۋداندىق جۇمىسپەن قامتۋ ورتالىعى ارقىلى كەلگەن ازاماتتارعا باسىمدىق بەرىپ وتىرمىز. بۇل ساناتتاعى تۇرعىندار ءۇشىن 182 جۇمىس ورنى اشىلعان. ولاردىڭ ەڭبەكاقىسى 85 مىڭ تەڭگەدەن كەم بولمايدى»، دەيدى وساكاروۆ اۋدانىنىڭ اكىمى نۇركەن قوبجانوۆ.

«جۇمىسپەن قامتۋدىڭ جول كارتاسى» باعدارلاماسى اياسىنداعى الەۋمەتتىك سالا جوبالارى اۋدانداعى ەكى كەنت پەن 14 اۋىلدى قامتيدى. مىسالى،  وساكاروۆكا كەنتىندە №9 گيمنازيا، سارىوزەك، رودنيكوۆ، ەسىل، نيكولاەۆكا، زۆەزدا، ميرنىي، ەرتىس، وزەرنىي اۋىلدارىندا ورتا مەكتەپتەر جوندەۋدەن وتكىزىلەدى. «بالدىرعان» بالاباقشاسى مەن ليتۆينوۆ مەكتەپ-ينتەرناتىندا دا كۇردەلى جوندەۋ جۇمىستارىن جۇرگىزۋ كوزدەلگەن.

321

سونداي-اق، ينجەنەرلىك جانە كولىكتىك ينفراقۇرىلىمدى جاڭارتۋ بويىنشا 10 جوبا قولعا الىنادى. اتاپ ايتقاندا، مولودەجنىي، وساكاروۆكا كەنتتەرىندە جولدار مەن تروتۋارلار جوندەلەدى.  سەنوكوسنوە، ەرتىس، ەرالى، قاراعايلى، امانقوڭىر، رودنيكوۆ اۋىلدارىنا كىرەبەرىس جولدار دا رەتكە كەلتىرىلمەكشى.

تۇرعىن ءۇي-كوممۋنالدىق ماسەلەلەردى شەشۋ بويىنشا 11 جوبانى جۇزەگە اسىرۋ جوسپارلانعان. ونىڭ ىشىندە ۋىزباي، باتپاق، وزەرنوە، سەنوكوس، قاراعايلى، زۆەزدا اۋىلدارىن اۋىز سۋمەن، مولودەجنىي كەنتىندەگى قازاندىقتى جوندەپ، تۇرعىن ۇيلەر مەن مادەني-ساۋىقتىرۋ ورتالىعىن جىلۋمەن قامتاماسىز ەتۋ جۇمىستارى بار. سونىمەن قاتار، وساكاروۆكا كەنتىندەگى 18 پاتەرلى ءۇيدىڭ كارىز جۇيەسىن جوندەۋدەن وتكىزۋ جوسپارعا الىنعان. بۇدان بولەك، وساكاروۆكا، مولودەجنىي كەنتتەرىندەگى كوشەلەر اباتتاندىرالادى.

بۇگىنگى كۇندە اۋداندا 35 جوبانى ىسكە اسىرۋ بويىنشا جۇمىستار باستالىپ تا كەتكەن. سونىڭ ناتيجەسىندە 305 جۇمىس ورنى اشىلىپ، ەكى قولعا ءبىر كۇرەك ىزدەگەن اعايىنعا ادالدان نان تابۋعا مۇمكىندىك تۋدى. ايتا كەتەتىن ءبىر جايت، جوعارىدا ايتىلعان جۇمىس ورىندارىنىڭ 143-ءى اۋداندىق جۇمىسپەن قامتۋ ورتالىعى ۇسىنعان ازاماتتارعا بۇيىردى.

4

قازىرگى تاڭدا وساكاروۆ اۋدانى بويىنشا ينفراقۇرىلىمدىق جوبالار اياسىندا بوس جۇرگەن ازاماتتاردى رەكرۋتتىق بەكەت قۇرالدارى، الەۋمەتتىك جەلىلەر مەن جەرگىلىكتى گازەتتىڭ كومەگىمەن جۇمىسقا الۋ ءۇشىن بەلسەندى اقپاراتتىق ءىس-شارالار جۇرگىزىلۋدە.

 

 

قاراعاندى وبلىسى

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار