وبلىس اكىمى ءباسپاسوز قىزمەتىنىڭ حابارلاۋىنشا, بۇعان جىلىوي اۋداننىڭ باس سانيتارلىق دارىگەرى ت.ءحابيبۋلليننىڭ قاۋلىسىنا سايكەس, مۇندا كارانتيننىڭ 18 ماۋسىمعا دەيىن سوزىلۋى سەبەپ بولىپ وتىر. اتالعان قاۋلىعا ساي, ازىق-ت ۇلىك ساتپايتىن ساۋدا ورىندارى مەن بازارلاردىڭ جۇمىس ىستەۋىنە رۇقسات بەرىلمەگەن ەدى.
–ويتكەنى, سوڭعى مالىمەتتەر بويىنشا جىلىوي اۋدانى اۋماعىندا ورنالاسقان تەڭىز كەن ورنىندا كوروناۆيرۋس ينفەكتسياسىن جۇقتىرۋدىڭ 1013 جاعدايى تىركەلسە, ەلدى مەكەندەردە 43 دەرەك انىقتالدى. ونىڭ 33-ءى قۇلسارى قالاسىنان شىقتى. بۇل ناۋقاستاردىڭ ەكەۋى قايتىس بولدى, -دەپ حابارلادى وبلىس اكىمىنىڭ ءباسپاسوز قىزمەتى.
كاسىپكەرلەرمەن مەملەكەتتىك جانە قۇقىق قورعاۋ ورگاندارىنىڭ وكىلدەرى, جىلىوي اۋدانىنىڭ اكىمى مەن اۋداننىڭ باس سانيتارلىق دارىگەرى كەزدەستى. وبلىس اكىمى ماحامبەت دوسمۇحامبەتوۆتىڭ تاپسىرماسىمەن قۇلسارى قالاسىنا وبلىس اكىمىنىڭ ءبىرىنشى ورىنباسارى نۇرلان تاۋباەۆ اتتانىپ كەتتى.
