- «رۋحاني جاڭعىرۋ» باعدارلاماسى اياسىندا مينيسترلىك ەلىمىزدىڭ كيەلى جەرلەرىنىڭ بىرىڭعاي بەلدەۋىن – قازاقستاننىڭ كيەلى جەرلەرىنىڭ گەوگرافياسىن قۇرۋ بويىنشا جۇمىستار اتقارىپ جاتىر. وسى ارقىلى كيەلى جەرلەرىمىز جوعارى ۇلتتىق جانە حالىقارالىق قىزىعۋشىلىق نىساندارىنا اينالدىرۋعا بولادى. قازاقستاننىڭ بارلىق رۋحاني قۇندىلىقتارىن, بىرەگەي تاريحي ورىندار مەن تابيعي ەسكەرتكىشتەردى تولىق ءبىر جۇيەگە كەلتىرۋ بويىنشا اتقارىلعان اۋقىمدى جۇمىستىڭ ناتيجەسىندە جالپىۇلتتىق ماڭىزى بار – 256 وبەكت جانە جەرگىلىكتى ماڭىزى بار – 575 نىسان قالىپتاستىرىلدى. كيەلى نىسانداردى تولىق ۆيزۋاليزاتسيالاۋ qazmaps.kz ۆيرتۋالدى كارتا پلاتفورماسىندا قول جەتىمدى, - دەدى اقتوتى رايىمقۇلوۆا.
سونداي-اق ول جىل سوڭىنا دەيىن «كيەلى قازاقستان» ەنتسيكلوپەدياسىنىڭ ءتورتىنشى تومىنىڭ تۇساۋكەسەرىن وتكىزۋ جوسپاردا بار ەكەنىن ايتتى.
- تاريح جانە مادەنيەت ەسكەرتكىشتەرىندەگى عىلىمي-رەستاۆراتسيالاۋ جۇمىستارىنا ارنالعان شىعىستار بيىلعى جىلى 3,5 ەسەگە ۇلعايدى. وسىنىڭ ناتيجەسىندە جۇمىس كولەمى ۇلعايىپ, كەشەندى جانە ناتيجەگە باعىتتالعان جۇمىستار قامتاماسىز ەتىلدى, - دەدى مينيستر.
