قوعام • 05 ماۋسىم، 2020

ەلوردادا اسكەري قىزمەتشىلەر دەزينفەكتسيالاۋ جۇمىستارىن قايتا باستادى

23 رەت كورسەتىلدى

قارۋلى كۇشتەردىڭ بيولوگيالىق قورعاۋ بولىمشەلەرىنىڭ اسكەري قىزمەتشىلەرى نۇر-سۇلتانداعى دەزينفەكتسيالىق جۇمىستاردىڭ ەكىنشى كەزەڭىن باستادى، دەپ حابارلادى قورعانىس مينيسترلىگىنىڭ ءباسپاسوز قىزمەتى. 

ۆيرۋستىڭ تارالۋ قاۋپى ءالى دە سەيىلە قويماعان جاعدايدا كارانتيندىك شارالار مەن سانيتارلىق-ەپيدەمياعا قارسى ءىس-شارالاردىڭ ساقتالۋىن قامتاماسىز ەتۋ ماڭىزدى ەكەنى بەلگىلى.

اسكەري قىزمەتشىلەردىڭ العاشقى تاۋلىكتەگى مىندەتى ادامدار جاپپاي جينالاتىن ورىندار مەن قالا نىساندارىن وڭدەۋ بولىپ تابىلادى. سونىمەن قاتار، ولار تۇڭعىش پرەزيدەنت ساياباعى مەن بوتانيكالىق باقتى وڭدەيدى.

سانيتارلىق وڭدەۋ جۇمىستارى ءۇشىن جەكە گازسىزداندىرۋ جيىنتىقتارى، دەزينفەكتسيالىق ەرىتىندىلەر ءبولىنىپ، ارس-14 اۆتوقۇيۋ ستانتسيالارىنىڭ قاجەتتى سانى جانە جەكە قۇرامدى تاسىمالداۋعا ارنالعان اۆتوكولىك تەحنيكاسى جۇمىلدىرىلدى.

بۇعان دەيىن دەنساۋلىق ساقتاۋ مينيسترلىگى ەل ازاماتتارىن كارانتيندىك شارالاردى ساقتاۋعا شاقىرعان بولاتىن. سانيتارلىق-ەپيدەمياعا قارسى ءىس-شارالاردى قامتاماسىز ەتۋ ماقساتىندا ەلدى مەكەندەردە شۇعىل تۇردە 16 سانيتارلىق وڭدەۋ توبى قۇرىلدى. ولار ءبىر اپتادان استام ۋاقىتتا ايماقتاردا قوعامدىق ورىندار مەن الەۋمەتتىك ماڭىزى بار نىسانداردى وڭدەۋدى جۇزەگە اسىرادى.

توتەنشە جاعداي رەجيمى كەزىندە قازاقستاننىڭ 29 قالاسىندا قارۋلى كۇشتەردىڭ اسكەري قىزمەتشىلەرى جالپى اۋدانى 50 ميلليون شارشى شاقىرىمنان اساتىن 10،5 مىڭنان استام الەۋمەتتىك ماڭىزى بار نىساندارعا، ۇزىندىعى 4000 كم بولاتىن جول ۋچاسكەلەرىنە دەزينفەكتسيالاۋ جۇمىستارىن جۇرگىزدى.

سوڭعى جاڭالىقتار

ۇقساس جاڭالىقتار