ەكولوگيا • 05 ماۋسىم، 2020

وندىرىستىك ەكولوگيا وزەكتىلىگىن جويماي تۇر

17 رەت كورسەتىلدى

وسكەمەننىڭ ەكولوگيالىق جاعدايى بارشاعا ءمالىم. شاھاردا قور­شاعان ورتانى لاستايتىن ءوندىرىس ورىندارى از ەمەس. جۇمىستان قولى­مىز قالت ەتكەندە وسى تاراپتاعى ماسەلەلەرمەن شۇعىلدانۋعا تۋ­را كەلەدى.

ماسەلەن، بىلتىر وبلىستىق قو­عامدىق كەڭەستىڭ ساراپشىلار توبى ءۇلبى مەتاللۋرگيا زاۋىتى قالا شە­تىن­دە وزدەرىنىڭ قالدىق قويماسىن زاڭ­سىز كەڭەيتىپ جاتقانىن انىق­تادى. وسى جاعدايعا بايلانىستى اسى­رەسە جوبانىڭ جەر استى سۋ­لا­رى­نا ۇلكەن زيان كەلتىرەتىنىن اي­تىپ، ءوزىم­نىڭ Instagram جانە Facebook پاراقشامدا جازبا جاريالادىم. بۇل تاقىرىپ قوعامدا رەزونانس تۋدىرعاننان كەيىن «قازاتوموندىرىس» ۇلتتىق كومپانياسى مەن ەكولوگيا، گەولوگيا جانە تابيعي رەسۋرستار مينيسترلىگى 2020 جىلى اقپاندا قورشاعان ورتانى بىرلەسە قورعاۋ جونىندەگى مە­موراندۋمعا قول قويدى. وسى كەلىسىمشارت اياسىندا ەندى ءۇمز-ءنىڭ راديواكتيۆتى قالدىقتارى بۇرىنعى سەمەي پوليگونىنىڭ اۋما­عىنا كومىلەدى دەپ كۇتىلۋدە. بۇل – قا­­لا تۇرعىندارى ءۇشىن جاعىمدى جاڭالىق.

جۋىقتا وسكەمەن قالالىق اكىم­­دىگى قىزمەتكەرلەرى شاھاردىڭ ۋشانوۆ الاڭىنداعى اعاشتاردى كەسپەك بولعاندا ازەر دەگەندە توقتاتتىق. جولعا ورتاشا جوندەۋ جۇ­مىستارىن جۇرگىزبەك بولعان اكىم­دىك وكىلدەرى تۇرعىنداردىڭ كەلى­سىمىنسىز جانە ەشقانداي قوعامدىق تىڭداۋ وتكىزبەستەن 28 شىرشانى الىپ تاستاماق بولعان. بۇل ەكو­لو­گيا­­لىق كودەكس تالاپتارىنا قاي­شى كەلەدى. ابىروي بولعاندا، 2016 جىلى وتكەن قوعامدىق تىڭداۋدىڭ حات­تاماسىنىڭ كوشىرمەسىن تاۋىپ­ الىپ، الەۋمەتتىك جەلىدە پوست جاريالادىم. ول جيىندا جاسىل القاپتاردى ساق­­تاۋ ماسەلەسى كوتەرىلگەن ەدى. نا­تي­جەسىندە اكىمدىكتىڭ جوسپارىنا وزگەرىس ەنگىزىپ، اعاشتاردى كەسۋگە جول بەرمەدىك.

ءبىزدىڭ ۇسىنىس-باستامامىزدى ەكولوگيا مينيسترلىگى ۇنەمى قۇپتاپ، قولداپ وتىرادى. ال جەرگىلىكتى جەردە بۇل تاراپتا ءبىرشاما قيىندىق بار. كوبى قولداۋ تاپپاي جاتادى. وسكەمەندە قورشاعان ورتانىڭ لاس­تانۋ ماسەلەسى ءالى دە وزەكتى. كا­سىپ­ورىندار اۋاعا تارايتىن شىعا­رىندىلارىن ازايتقاننىڭ ورنىنا كو­بەيتىپ جاتىر. زاۋىتتار بۇل تاراپتا جۇيەلى جۇمىس جۇرگىزبەيدى. مەنىڭ كوڭىلىمە جاقپايتىن ءبىر دۇنيە، جەرگىلىكتى اكىمدىك وكىلدەرى حالىقتىڭ ەمەس، كاسىپورىنداردىڭ قامىن كوپ ويلايدى. شارا قولدا­نىپ، حالىقتىڭ دەنساۋلىعىن ويلا­عاننىڭ ورنىنا كەرىسىنشە ولاردى قولدايدى. قالا تۇرعىندارى دا ەكو­لوگيالىق ماسەلەلەرگە سەلقوس قا­رايدى. ماسەلەنى اشىق ايتقاننان گو­رى سىرتتاي باقىلاعاندى جاقسى كو­رەدى. سوندىقتان الداعى ۋاقىت­تا وسى باعىتتاعى ويعا العان جۇمىس­تارىمدى جانداندىرا بەرسەم دەگەن ويىم بار. 

 

داۋلەت اسانوۆ،

شىعىس قازاقستان وبلىسى بويىنشا ەكو-امباسسادور

 

وسكەمەن

 

سوڭعى جاڭالىقتار

ۇقساس جاڭالىقتار