سونىمەن قاتار بۇل سۇحباتتا ەلىمىزدىڭ ىشكى جانە سىرتقى ەكونوميكالىق-ساياسي جاعدايى جان-جاقتى ايتىلدى. تاۋەلسىز مەملەكەت رەتىندە ءار ەلدىڭ وزىندىك دامۋ جولى بولادى. بىراق وعان كەيبىر سىرتقى كۇشتەردىڭ قانداي دا ءبىر كەرى ىقپالى بولۋى مۇمكىن. سۇحباتتىڭ ماڭىزدىلىعى دا سوندا. ءبىز ءبىرتۇتاس تاۋەلسىز مەملەكەتپىز.
بۇدان بولەك, پرەزيدەنت ەۋرازيالىق ەكونوميكالىق وداقتىڭ الەۋەتىن ەكونوميكالىق وداق رەتىندە كۇشەيتۋگە مۇددەلى ەكەنىن اتاپ ءوتتى. بۇل ۇيىم قازاقستاننىڭ ەكونوميكالىق تۇرعىدان دامۋىنا مۇمكىندىك بەرۋى ءتيىس. وسى رەتتە, اتالعان ۇيىمنىڭ ورگانى بولىپ تابىلاتىن ەۋرازيالىق ەكونوميكالىق كوميسسيا بار. وندا وداق قابىلدايتىن جوبالار قارالادى. بۇل كوميسسيادا ءبىزدىڭ تاراپتىڭ مۇددەسىن قورعايتىن ازاماتتاردىڭ جاۋاپكەرشىلىگى, وتانعا دەگەن سۇيىسپەنشىلىگى, ەل ەكونوميكاسىنا دەگەن كوزقاراسى دۇرىس بولۋعا ءتيىس.
جالپى, وداق اياسىندا ەكونوميكالىق ارىپتەستىكتىڭ ورناۋى قالىپتى قۇبىلىس. ەندەشە, قازاقستانداعى شاعىن جانە ورتا كاسىپكەرلىكتىڭ ۇلەسىن ارتتىرىپ, كورشى ەلدەرمەن باسەكەلەس بولا الاتىنداي دەڭگەيگە جەتكىزۋىمىز كەرەك. بۇل ءۇشىن ەلىمىزدە بارلىق مۇمكىندىك قاراستىرىلعان. وسى رەتتە, سىرتتان قارىز الۋدى ادەتكە اينالدىرماي, ءوز ىشكى قارجىلىق الەۋەتىمىزدى ءتيىمدى پايدالانۋعا ءتيىسپىز.
نۇرتاي سابيليانوۆ,
پارلامەنت ءماجىلىسىنىڭ دەپۋتاتى
