ايماقتار • 04 ماۋسىم، 2020

قىزىلجار قالاسىندا رامىزدەر كۇنى اتالىپ ءوتتى

6 رەت كورسەتىلدى

كوك تۋدىڭ كوگىمىزگە كوتەرىلىپ، پاتريوتيزمنىڭ رۋحىن اڭقىلداتقان كوڭىلدى گيمننىڭ شىرقالعان كۇنى بارلىق قازاقتىڭ ۇلكەن قۋانىشى. بۇگىنگى تاڭدا قازاقستاندىقتار پاتريوتتىق ساناسى وتە بيىك ەلدەرمەن تەڭەسە الاتىن ساليقالى ەل. بارلىق قازاقستاندىقتار شەتەلدەرگە شىققاندا ءوزىنىڭ كوك تۋىنىڭ كوزىنە وتتاي باسىلاتىنىن جارىسا ايتىپ جاتادى.

سولتۇستىكقازاقستاندىقتار مەملەكەتتىك رامىزدەردى العاشقى جانە ازىرگە سوڭعى زەرتتەۋشى وزدەرىنىڭ جەرلەسى، قازاقتىڭ اقىل-ويىنىڭ انتولوگياسىن قۇراستىرعان، اقىن ەربول شايمەردەنوۆ بولعانىن دا ماقتانىشپەن ايتادى. بۇگىن قىزىلجاردا بولعان بىرنەشە شارادا مەملەكەتتىك رامىزدەر تۋرالى  ايتىلىپ، ءان-كۇيلەر دە شىرقالىپ جاتتى، سونىمەن بىرگە ەربول شايمەردەنوۆتى دا ەسكە العان، ادەمى پىكىرلەر ايتىلدى. ماسەلەن، قالاداعى 8-ءشى مەكتەپتىڭ اۋلاسىندا وتكىزىلگەن شارادا ليديا جەمچۋجنيكوۆا دەگەن وقۋشى ءوزىنىڭ ەربول شامەردەنوۆ اعاسىن جاقسى بىلەتىنىن، ونىڭ شىعارمالارىن ءسۇيىپ وقيتىنىن ايتتى. قازاقشا جاپ-جاقسى سويلەيتىن قىز بالانىڭ نيەتىنە ريزاشىلىعىمىزدى جاسىرا المادىق.

بارلىق شارالاردا رامىزدەردى جاساعان اۆتورلار جانە ولاردىڭ ەڭبەكتەرى مەن سۇيەنگەن تاريحي دەرەكتەرىنە قۇرىلعان ادەمى اڭگىمەلەر ايتىلىپ، ءان مەن كۇي دە جالعاسىپ جاتتى. قالا ىشىندەگى مەرەكەلىك شارالار كەشكە قاراي سولتۇستىك قازاقستان وبلىستىق ۋنيۆەرسيتەتىنەن باستالىپ، قالا ىرگەسىندەگى «پەستروە» كولىنە دەيىن جالعاساتىن اۆتوشەرۋمەن اياقتالاتىن بولادى. ونى ۇيىمداستاستىرعان «نۇر وتان» پارتياسىنىڭ جاستار قاناتىنىڭ مۇشەلەرى. وسى ساعاتتاردا ولار قىزۋ دايىندىق ۇستىندە.

 

قىزىلجار

سوڭعى جاڭالىقتار

ۇقساس جاڭالىقتار