«ناۋرىز ايىنىڭ باسىندا ۇيالى وپەراتورلاردىڭ جانە تسيفرلى دامۋ, يننوۆاتسيالار جانە ينفراقۇرىلىمدىق دامۋ مينيسترلىگىنىڭ قولداۋىمەن دارىگەرلەرگە كومەك رەتىندە تەگىن ۇيالى بايلانىس كورسەتىلدى. بۇل سول كەزدە 90 كۇنگە دەپ بەلگىلەنگەن بولاتىن. ناۋرىز, ءساۋىر, مامىر ايلارى ءوتىپ, ماۋسىم ايى كەلسە دە بۇل جۇمىس ءالى دە جالعاسىپ جاتىر. ءبىز تاعى دا ۇيالى وپەراتورلارمەن جانە اتالعان مينيسترلىكپەن جاڭا كەلىسىمشارتقا قول قويامىز. قازىر بۇل قىزمەتتى 25 مىڭعا دەيىن ۇلعايتتىق. بۇل دەگەنىمىز قازىر كوروناۆيرۋسپەن كۇرەستە ەڭبەك ەتىپ جاتقان 25 مىڭ دارىگەر بەلگىلەنگەن كۇن بويىنشا ۇيالى بايلانىستى تەگىن قولدانا الادى. سونداي-اق 15-20 گيگابايتقا دەيىن ينتەرنەت تەگىن بولادى», - دەدى ولجاس ابىشەۆ.
