«الەمدىك تاجىريبەگە ساي e-GOV پورتالىندا كوروناۆيرۋس جۇقتىرعانداردىڭ ءموبيلدى كارتاسى ازىرلەنگەن بولاتىن. ول كارتا ارقىلى كوروناۆيرۋس جۇقتىرعان نەمەسە ناۋقاستارمەن بايلانىستا بولعان ازاماتتاردىڭ جەرگىلىكتى جەرىن كورۋگە بولادى», - دەدى ولجاس ابىشەۆ.
ۆيتسە-ءمينيستردىڭ ايتۋىنشا, ونداعى مالىمەتتەر كۇن سايىن جاڭارتىلىپ وتىرادى.
«كوروناۆيرۋس تۋرالى رەسمي اقپارات تاراتاتىن سايت پەن كارتاداعى كورسەتكىشتەرگە بايلانىستى حالىق اراسىندا تۇسىنىسپەۋشىلىكتەر بولىپ جاتىر ەكەن. ويتكەنى بىزگە كەلىپ تۇسەتىن سۇراقتاردىڭ كوبىسى وسىعان بايلانىستى. رەسمي سايتتاعى اۋىرعاندار سانى 11 مىڭ دەپ كورسەتىلگەنىمەن ونىڭ بارلىعى ناۋقاس ەمەس. ونىڭ جارتىسى ىندەتتەن ەمدەلىپ, اۋرۋحانادان شىعارىلدى. ال قالعانى سايكەسىنشە, اۋرۋحانالاردا ەم قابىلداۋدا. ەلەكتروندى ۇكىمەت سايتىنداعى كارتادا ءبىز بۇل بارلىق ناۋقاستاردىڭ سانىن كورسەتپەيمىز. وندا تەك ءدال قازىر اۋىرىپ جاتقان ناۋقاستار عانا كورسەتىلگەن», - دەدى ول.
ونىڭ ايتۋىنشا, قازىر ەلىمىزدە كوروناۆيرۋس ىندەتىمەن اۋىرىپ جاتقان 5000-نان اسا ناۋقاس بار. ونىڭ جارتىسى اۋرۋحانادا بولسا, قالعانى ءۇي كارانتينىندە.
