ايماقتار • 04 ماۋسىم، 2020

جامبىلدا 383 تۇلەك «التىن بەلگى»، 366 وقۋشى «ۇزدىك اتتەستات» يەگەرى اتاندى

26 رەت كورسەتىلدى

بيىلعى جىل مەكتەپ تۇلەكتەرى ءۇشىن ەستە قالاتىن ەرەكشە جىل بولدى. بۇگىن جامبىل وبلىسىنداعى بارلىق ءبىلىم بەرۋ وشاقتارىندا كۇشەيتىلگەن سانيتاريالىق-دەزينفەكتسيالىق رەجيممەن، بەكىتىلگەن تارتىپتە مەكتەپ تۇلەكتەرىنە سالتاناتتى تۇردە اتتەستات تاپسىرۋ ءراسىمى ءوتتى. سونىمەن قاتار وڭىردەگى بارلىق مەكتەپتە سوڭعى قوڭىراۋ سوعىلدى.

بيىل جامبىل وبلىسى بويىنشا 9171 تۇلەك مەكتەپ ءبىتىرىپ وتىر. سونداي-اق 383 مەكتەپ تۇلەگى «التىن بەلگى» جانە 366 وقۋشى «ۇزدىك اتتەستات» يەگەرى اتاندى. مەرەكەلىك شارا ءتيىستى مەكتەپ قابىرعاسىندا، اشىق اسپان استىندا ءوتتى.

جيىن تەك مەكتەپ بىتىرۋشىلەر مەن اتا-انالاردىڭ قاتىسۋىمەن عانا جانە بارلىق سانيتارلىق تالاپتاردى ساقتاي وتىرىپ ۇيىمداستىرىلدى. قاتىسۋشى تۇلەكتەر اراسىندا اراقاشىقتىق، ماسكالىق رەجيم جانە قاتىسۋشىلار سانىن شەكتەۋ تالاپتارى دا ساقتالدى. سونىمەن قاتار تۇلەكتەرگە مەكتەپ ءبىتىرۋ كەشتەرىن مەيرامحانالار مەن كوڭىل كوتەرۋ ورىندارىندا تويلاۋعا تىيىم سالىنعان. بۇدان بولەك، ولارعا سالتاناتتى جيىنعا يۆەنت-اگەنتتىكتەردى، انيماتورلاردى شاقىرۋعا، اۆتوكولىكتەردى جالعا الىپ، قالا ىشىندە قىدىرۋعا رۇقسات ەتىلمەيدى.

 

جامبىل وبلىسى

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار