ۇبت-عا كىرگىزۋ بارريكادتى لەنتالار ارقىلى 2 مەتر قاشىقتىقتى ساقتاي وتىرىپ, جۇرگىزىلەدى. ال اۋديتورياداعى تەستىلەنۋشىلەردىڭ سانى 50%-عا قىسقارتىلدى, ولاردىڭ اراسىندا كەمىندە 2 مەتر قاشىقتىق ساقتالادى.
سونىمەن قاتار كوروناۆيرۋستىق ينفەكتسيانىڭ تارالۋ قاۋپىنىڭ الدىن الۋ ماقساتىندا تۇلەكتەر توننەل ارقىلى ءوتىپ, اياق-كيىمدەرى ارنايى كىلەمشەمەن وڭدەلەدى.قولدارى سانيتايزەرمەن وڭدەلىپ,دەنە قىزۋى ولشەنەدى جانە بارلىعى ماسكامەن قامتاماسىز ەتىلەدى. ول ءۇشىن 10 000 دانا بەتپەردە مەن 10 000 دانا قولعاپ تەگىن تاراتىلادى.
سونىمەن قاتار, قالا تۇرعىندارى جانە اتا-انالارعا تالاپكەرلەردىڭ ۇلتتىق بىرىڭعاي تەستىلەۋ تاپسىرۋ بارىسىن باقىلاۋ ءۇشىن ينتەرنەت جەلىسى ارقىلى ونلاين كورسەتىلىم ۇيىمداستىرىلادى.
ۇبت-عا مەكتەپ ءبىتىرۋشى تالاپكەرلەردىڭ ءومىر قاۋىپسىزدىگى, جولدا ءجۇرۋ ەرەجەلەرىن, سانيتارلىق نورمالار مەن تالاپتاردى ساقتاي وتىرىپ, تەستىلەۋ پۋنكتىنە ۋاقىتىلى بارۋى جەرگىلىكتى اتقارۋشى ورگاندار تاراپىنان باقىلاۋعا الىنعان.
شىمكەنت
