بيىلعى ءى توقساندا سالاعا 22,4 ملرد. تەڭگە ينۆەستيتسيا باعىتتالعان. بۇل - وتكەن جىلدىڭ سايكەس كەزەڭىمەن سالىستىرعاندا 3% كوپ قاراجات. وسى كەزەڭدە جالپى اۋدانى 349,4 مىڭ شارشى مەتر بولاتىن 2422 تۇرعىن ءۇي پايدالانۋعا بەرىلدى. ونىڭ ىشىندە – 1594 جەكە ءۇي.
جالپى بيىل «نۇرلى جەر» مەملەكەتتىك باعدارلاماسى شەڭبەرىندە ماڭعىستاۋ وبلىسىندا ينجەنەرلىك-كوممۋنيكاتسيالىق ينفراقۇرىلىم جانە تۇرعىن ءۇي قۇرىلىسىنا 15,1 ملرد. تەڭگەگە 19 جوبا ىسكە اسىرىلىپ, 973 ادام جۇمىسپەن قامتىلادى.
كرەديتتىك جانە جالعا بەرىلەتىن 1314 پاتەردىپايدالانۋعا بەرۋ جوسپارلانىپ وتىر.
ونىڭ ىشىندە ساتىپ الۋ قۇقىعىنسىز جالعا بەرىلەتىن تۇرعىن ءۇي قۇرىلىسىنا 5 جوبانى ىسكە اسىرۋ ءۇشىن 2,9 ملرد. تەڭگە قاراستىرىلعان. ءى توقساندا بۇل ماقساتقا 276,5 ملن. تەڭگە اۋدارىلىپ, ول تولىقتاي يگەرىلگەن. جىل سوڭىنا دەيىن جالپى اۋدانى 23,4 مىڭ شارشى مەتر بولاتىن 419 جالعا بەرىلەتىن پاتەر پايدالانۋعا بەرىلەدى. حالىقتىڭ از قامتىلعان الەۋمەتتىك توپتارىنا, كوپ بالالى وتباسىلارعا بەرىلەتىن ول باسپانالاردىڭ قۇرىلىسىنا 402 ادام جۇمىسقا تارتىلادى.
ال كرەديتتىك تۇرعىن ءۇي قۇرىلىسىنا 4 جوبانى ىسكە اسىرۋ ءۇشىن 9 ملرد. تەڭگە قاراستىرىلعان. وعان 50,2 مىڭ شارشى مەتر تۇرعىن ءۇي نەمەسە 895 پاتەردى پايدالانۋعا بەرۋ جوسپارلانعان. ول جوبالاردى ىسكە اسىرۋ ءۇشىن 385 ادام جۇمىسپەن قامتىلادى.
بۇدان باسقا, «نۇرلى جەر» مەملەكەتتىك باعدارلاماسى اياسىندا 2%-بەن نەسيە بەرىلەتىن «باقىتتى وتباسى» باعدارلاماسىن جۇزەگە اسىرۋعا بيىل رەسپۋبليكالىق بيۋدجەتتەن 163 تۇرعىن ءۇي قارىزىنا 1,6 ملرد. تەڭگە قاراستىرىلىپ وتىر.
وبلىستا تۇرعىن ءۇي قۇرىلىسى اۋداندارىنا ينجەنەرلىك-
