تاعىلىمدى ءىس-شاراعا مەملەكەتتىك ەلتاڭبانىڭ اۆتورى, ن.گۋميلەۆ اتىنداعى ەۇۋ-دىڭ پروفەسسورى جانداربەك مالىبەكوۆ, قوعام قايراتكەرى, قازاقستان حالقى اسسامبلەياسىنىڭ مۇشەسى زۋلپا چۋماكوۆا, قازاق كۇرەسىنەن ەكى دۇركىن ازيا چەمپيونى, الەم كۋبوگىنىڭ يەگەرى بەكزات احمەتبەكوۆ جانە قۇقىق, مادەنيەت, سپورت, ءبىلىم سالالارىنىڭ وكىلدەرى, جوو رەكتورلارى, «استانا», «ورتالىق» اسەري قولباسشىلىعىنىڭ قىزمەتكەرلەرى, جاستار بەلسەندىلەرى, مەملەكەتتىك مەكەمە باسشىلارى, وبلىستىق قازاقستان حالقى اسسامبلەياسىنىڭ مۇشەلەرى قاتىستى.
قاراعاندى وبلىسىنىڭ اكىمى جەڭىس قاسىمبەك قاتىسۋشىلاردى مەملەكەتتىك رامىزدەر كۇنىمەن قۇتتىقتادى. «ەلىمىزدىڭ باستى سيمۆولدارىنا دەگەن قۇرمەت لايىقتى دەڭگەيدە بولۋ كەرەك جانە ونىڭ ناسيحاتتالۋىنىڭ جەتكىلىكتى دارەجەدە بولۋى اسا ماڭىزدى», دەپ اتاپ ءوتتى ول.
جانداربەك مالىبەكوۆ مەملەكەتتىك رامىزدەردىڭ قابىلدانۋىنا بايلانىستى تاريحي ەستەلىكتەرىمەن ءبولىستى. سونىمەن قاتار, وبلىسىمىزدىڭ ءار وڭىرىنەن قاتىسۋشىلار مەملەكەتتىك رامىزدەرىمىزدى ناسيحاتتاۋ مەن پاتريوتتىق تاربيەنى قالىپتاستىرۋداعى تاجىريبەلەرىمەن ءبولىسىپ, ىزگى تىلەكتەرىن جەتكىزدى.
ءىس-شارا بارىسىندا ءوڭىردىڭ جوعارى جاۋاپكەرشىلىك جانە ازاماتتىق ۇستانىمدارىمەن تانىلعان بىرنەشە ازاماتىنا وبلىس اكىمىنىڭ «العىس حاتى» تابىس ەتىلدى.
مەملەكەتتىك رامىزدەر كۇنىندە وبلىستىڭ بارلىق ەلدى مەكەندەرىندە ارنايى ءىس-شارالار ۇيىمداستىرىلىپ, ەلىمىزدىڭ ءانۇرانىنا, ەلتاڭباسىنا جانە تۋىنا قۇرمەت كورسەتىلدى. اتاپ ايتقاندا, ءىرى ساۋدا ورتالىقتارىندا, قوعامدىق ورىنداردا, مەملەكەتتىك مەكەمەلەردە ءبىر مەزگىلدە ءانۇران اۋەلەتە شىرقالدى. رەسپۋبليكالىق «مەنىڭ تۋىم» اكتسياسى اياسىندا اۆتو-موتو شەرۋلەر ۇيىمداستىرىلدى. مەرەكەلىك ءىس-شارالار بارىسىندا سانيتارلىق تالاپتاردى قاتاڭ ساقتاۋعا باسا ءمان بەرىلدى.
قاراعاندى وبلىسى
