«اۋىل-قالا اراسىنداعى الشاقتىقتى ازايتۋ ماسەلەسى ۇنەمى نازاردا. بۇل تەك اۋىل مەن قالانىڭ اراسىنداعى الشاقتىق ەمەس, بۇل ءوڭىر مەن ءوڭىردىڭ اراسىنداعى ۇلكەن الشاقتىقتى PISA ناتيجەسىندە كورىپ وتىرمىز. سوندىقتان بۇل ماسەلە كەشەندى ءتيىستى شارالاردى قابىلداۋدى قاجەت ەتەدى. بىرىنشىدەن, ءبىز اۋىل مەن قالانىڭ ارا-قاشىقتىعىن ايتقاندا ۇستازداردىڭ تاپشىلىق ماسەلەسىن كوتەرەمىز. بۇل ماسەلەنى شەشۋدىڭ ءبىر جولى – اۋىلدا ىستەيتىن مۇعالىمدەردىڭ جالاقى الۋ جۇيەسىن وزگەرتۋ. نەلىكتەن بۇل ماڭىزدى؟ ويتكەنى, ءبىلىم سالاسىندا 1 ستاۆكا دەگەن – 18 ساعات. ال شاعىن جيناقتالعان مەكتەپتەردە 18 ساعات بولمايدى. ويتكەنى, ءبىر سىنىپ ەكىنشى سىنىپپەن بىرگە وقيدى جانە سول سىنىپتاردا بالالار سانى وتە از بولادى. ساعات از بولعاننان كەيىن 4-6 ساعات ءۇشىن مۇعالىم اۋىلعا بارمايدى. مۇعالىم بارماعاننان كەيىن ءبىلىم ساپاسى دا بولمايدى», - دەدى مينيستر ايماعامبەتوۆ.
سونداي-اق ءمينيستردىڭ ايتۋىنشا ەڭبەكاقى جۇيەسىن وزگەرتۋ, وقۋ-ماتەريالدىق بازاسىن نىعايتۋ, ساپالى ينتەرنەتپەن قامتاماسىز ەتۋ سياقتى ماسەلەلەر قولعا الىنىپ جاتىر.
