«وقۋشىنىڭ ءبىلىم ساپاسى مۇعالىمنىڭ جۇمىسىمەن تىكەلەي بايلانىستى. سوندىقتان مۇعالىم ءوزىنىڭ مىندەتىنە جاتپايتىن ارتىق جۇكتەمەلەرمەن اينالىسپاۋى كەرەك. ول تەك بالالارعا ءبىلىم جانە تاربيە بەرۋگە مىندەتتى. مينيسترلىك بۇگىندە مۇعالىم مارتەبەسى تالاپتارىنىڭ ساقتالۋىن قاداعالاپ كەلەدى. ءبىز مۇعالىمدەردىڭ الاڭسىز جۇمىس ىستەۋىنە بارىنشا جاعداي جاسايمىز», - دەدى اسحات ايماعامبەتوۆ.
سونداي-اق ول مۇعالىم جۇمىسىن جەڭىلدەتۋ ءۇشىن ولاردىڭ تولتىرۋى قاجەت قۇجاتتار سانىنىڭ ازايعانىن ايتىپ ءوتتى.
«ەندى ءپان مۇعالىمى كۇندەلىكتى تەك ەكى قۇجات تولتىرادى. قۇجاتتاردىڭ قىسقارۋى تەك مەكتەپ مۇعالىمدەرىنە عانا قاتىستى ەمەس. بۇل سونداي-اق مەكتەپكە دەيىنگى ءبىلىم بەرۋ ۇيىمدارىنا, كوللەدج ۇستازدارىنا, جوو وقىتۋشىلارىنا دا قاتىستى. پەداگوگ تەك قانا ءوزىنىڭ نەگىزگى مىندەتىمەن اينالىسۋى كەرەك. بۇعان دەيىنگى ءتۇرلى ەسەپ بەرۋ, تەكسەرۋگە قاتىستى قۇجاتتار مۇعالىم مىندەتىنەن الىنىپ تاستالدى», - دەدى ول.
