«وتكەن 2019 جىل ءبىلىم جانە عىلىم سالاسى ءۇشىن وتە ماڭىزدى جىل بولدى. جىلدىڭ باستى وقيعاسى - ەلىمىزدىڭ تاۋەلسىزدىك تاريحىندا العاش رەت «پەداگوگ مارتەبەسى تۋرالى» زاڭ قابىلداندى. ونى وزدەرىڭىز جاقسى بىلەسىزدەر. ەكىنشىدەن 2025 جىلعا دەيىنگى ءبىلىم جانە عىلىمدى دامىتۋدىڭ جاڭا مەملەكەتتىك باعدارلاماسى بەكىتىلىپ, ىسكە اسىرىلىپ جاتىر. بۇل قۇجاتتاردىڭ ءبىلىم جانە عىلىم سالاسى ءۇشىن تاريحي ماڭىزى بار ەكەنى ءسوزسىز», - دەدى اسحات ايماعامبەتوۆ.
ونىڭ ايتۋىنشا, «پەداگوگ مارتەبەسى تۋرالى» زاڭ مۇعالىمدەردىڭ جۇمىس بارىسىنداعى ءتۇرلى ماسەلەلەرىن شەشۋگە, ەڭ باستىسى ولاردىڭ مىندەتتەرىنە جاتپايتىن ارتىق جۇكتەمەلەردەن بوساتۋعا ماتەريالدىق جانە مورالدىق جاعىنان ىنتالاندىرۋعا باعىتتالعان.
«بارلىق پەداگوگ قىزمەتكەرلەردىڭ دەمالىسى 56 كۇنگە ۇلعايدى. جالپى پەداگوگتەردىڭ قۇقىقتارىن بۇزۋ فاكتىلەرى ورىن العان جاعدايدا تۇرعىلىقتى جەرى بويىنشا ساپانى قامتاماسىز ەتۋ دەپارتەمەنتتەرى بار. سول دەپارتامەنتتەردىڭ قۇزىرەتتىلىگىنە بەرىلگەن ماسەلەلەر بار. قازىردىڭ وزىندە وسى سانكتسيالار بويىنشا ءتيىستى شارالار قابىلدانعانىن ايتقىم كەلەدى. بىرنەشە وبلىستا ءبىزدىڭ ارىپتەستەرىمىز مەكتەپ باسشىلارى بولسا دا اتا-انالارعا بولسا دا وسىنداي ناقتى ءتيىستى جاۋاپكەرشىلىك بويىنشا شارالار قولدانا باستادى. بۇل جۇمىستى ءبىز ءارى قاراي دا جالعاستىرامىز», - دەدى مينيستر.
