ايماقتار • 04 ماۋسىم، 2020

نۇر-سۇلتاندا سانيتارلىق نورمالاردى ساقتاماعان 52 نىسان جابىلدى

13 رەت كورسەتىلدى

نۇر-سۇلتاندا 1-3 ماۋسىم ارالىعىندا 130-عا جۋىق نىسان سانيتارلىق تالاپتاردى ساقتاماعانى ءۇشىن جابىلدى. 3 ماۋسىمدا مونيتورينگ اياسىندا 150 نىسان تەكسەرىلىپ، ونىڭ 52-ءى جابىلدى. جابىلعان نىسانداردىڭ ىشىندە ءدامحانالار، مەيرامحانالار، بارلار (كاليان ۇسىنعانى ءۇشىن)، سۇلۋلىق سالوندارى، كولىك جۋ جانە ت.ب. وبەكتىلەر بار. بۇل تۋرالى قالا اكىمدىگىنىڭ رەسمي سايتى حابارلادى.

اكىمدىكتىڭ ءموبيلدى توبى پوليتسەيلەر جانە ەپيدەميولوگتارمەن بىرگە كۇن سايىن سانيتارلىق نورمالاردى بۇزعان مەكەمەلەردى انىقتاۋ ءۇشىن  رەيد جۇرگىزەدى.

بۇعان دەيىن سانيتارلىق نورمالاردى ساقتاماعانى ءۇشىن جابىلعان نىساندار قاتاڭ ەسكەرتۋدەن كەيىن سانيتارلىق-ەپيدەميولوگيالىق نورمالاردىڭ قاتاڭ ساقتاي وتىرىپ جۇمىسىن قايتا باستادى. مۇنداي قاتاڭ شارا كوروناۆيرۋستىڭ تارالۋىنا جول بەرمەۋ ءۇشىن قابىلداندى.

ەلوردادا ماسكا تاعۋ رەجيمى ءالى دە ساقتالۋدا. اۆتوبۋستار، دۇكەندەر جانە باسقا دا ادام كوپ جينالاتىن جابىق جەرلەردە ماسكا كيىپ، اراقاشىقتىق ساقتاپ، انتيسەپتيكتى پايدالانۋ قاجەت. تۇرعىندار سانيتارلىق-ەپيدەميولوگيالىق نورمالاردى ساقتاماسا، قالادا كۇشەيتىلگەن كارانتين رەجيمىن ەنگىزۋگە تۋرا كەلەدى.

سوڭعى جاڭالىقتار

ۇقساس جاڭالىقتار