ۆيرۋستى جۇقتىرعانداردىڭ 5-ەۋى پاۆلودار قالاسىندا, 2-ەۋى كەنجەكول كەنتىندە جانە باياناۋىل اۋدانىندا انىقتالدى.
COVID-19-دى 1962, 1992, 1995 جىلدارى تۋعان ەر ادامدار جانە 1956, 1959, 1977, 1984 جىلدارى تۋعان ايەل ادامدار جۇقتىرعان.
ەكى پاۆلودارلىق وزدەرىن ناشار سەزىنۋىنە بايلانىستى — دەنە قىزۋى كوتەرىلىپ, السىزدىك, تەز شارشاۋ جانە تابەتتىڭ جوقتىعى بەلگىلەرى بويىنشا مەديتسينالىق كومەككە وزدىگىنەن جۇگىنگەن. ەكى ادام ءپروفيلدى مەديتسينالىق تەكسەرىستەن وتكەن, تاعى ەكەۋى — نۇر-سۇلتان قالاسىنان ءبىر رەيسپەن كەلۋىنە بايلانىستى كوروناۆيرۋسقا تەكسەرىلگەن. ءبىر پاتسيەنت بۇعان دەيىن ۆيرۋستى جۇقتىرعان اداممەن قارىم-قاتىناستا بولعانى ءۇشىن تەكسەرىستەن وتكەن.
باياناۋىلدان كەلگەن 64 جاستاعى ايەل وتكىر پانكرەاتيت دياگنوزىمەن جەدەل مەديتسينالىق جاردەم بريگاداسىنىڭ كومەگىمەن اۋرۋحاناعا جاتقىزىلعان.
58 جاستاعى ەر ادام كوپ جىلدار بويى تۋبەركۋلەز دياگنوزىمەن ديسپانسەرلىك ەسەپتە تۇرعان, دەنساۋلىعى ناشارلاعان سوڭ اۋرۋحاناعا جاتقىزىلدى.
61 جاستاعى ايەل ستاتسيونارعا گلاۋكومانىڭ وتكىر ۇستاماسى دياگنوزىمەن جاتقىزىلدى. بارلىق جاعدايدا COVID-19 عا اناليز الىندى. پتر-زەرتتەۋ ناتيجەسى بارلىعىنىڭ ۆيرۋستى جۇقتىرعانىن كورسەتتى.
پاتسيەنتتەر وبيا جۇقپالى اۋرۋلار بولىمىنە جاتقىزىلدى. تۇرعىلىقتى جەرلەرى جانە جۇمىس ورىندارى بويىنشا ناۋقاستارمەن بايلانىستا بولۋى مۇمكىن ادامدار توبى انىقتالدى. ۇسو فيليالىنىڭ ماماندارى اۋرۋ وشاقتارىندا زارارسىزداندىرۋ شارالارىن جۇرگىزدى. ەپيدەمياعا قارسى شارالار وڭىردە قولعا الىنعان.
وتكەن تاۋلىكتەگى جاعداي بويىنشا پاۆلودار وبلىسىندا كوروناۆيرۋس ينفەكتسياسىن جۇقتىرعان 224 ادام تىركەلگەن, ولاردىڭ ىشىندە 159-ى جازىلىپ شىققان.
