رۋحانيات • 04 ماۋسىم، 2020

«ءانۇراندى قوسىلا شىرقايمىز»

7 رەت كورسەتىلدى

جەڭىمپاز سپورتشىلار ءۇشىن قاي جارىستىڭ دا ەڭ جۇرەك تەربەتەر كەزى تۋعان ەلىنىڭ ءانۇرانىن ايتقىزىپ، بەيتانىس ەلدە وزىنە عانا تانىس ءارى ىستىق اۋەندى قوسىلا شىرقاپ تۇرعان ءساتى بولار، بالكىم. دەگەنمەن تالايدىڭ اراسىنان توپ جارىپ، جالاۋىمىزدى جەلبىرەتىپ، قولىن جۇرەك تۇسىنا قويىپ، «ال، مىنە» دەپ شىرقاي جونەلۋگە دايىن تۇرعان ساتتە تەحنيكالىق اقاۋلاردىڭ سەبەبىمەن گيمن شاتاستىرىلىپ نە مۇلدە ورتاسىنان كەسىلىپ، سپورتشىلارىمىز جەڭىستىڭ ەڭ ءبىر ءلاززاتتى ءساتىن سەزىنە الماي قالعان جاعداي كەزدەسىپ قالادى.

يتاليادا 2014 جىلى ۆولەيبول­دان ايەلدەر اراسىنداعى وتكەن الەم چەمپيوناتىندا قازاقستان مەن نيدەرلاند قۇرامالارى كەزدەسۋىنىڭ الدىندا ۆەرونا قالا­سىنا جينالعاندار ەلى­مىزدىڭ ەسكى ءانۇرانىن تىڭدادى. 2015 جىلى گروزنىيدا وتكەن رەسەي پرە­زي­دەن­تى­نىڭ كۋبوگىندا يليا يلين رەكورد جاڭارتىپ، ماراپاتتاۋ راسىمىندە ەسكى گيمن قويىلعان بولا­تىن. جەڭىمپاز سپورتشىمىز جاڭا گيمندى قوسۋدى تالاپ ەتىپ، وسىلايشا سول جارىستا ەسكى دە، جاڭا دا مەم­لە­كەت­تىك ءانۇراندار تىڭدالىپ ەدى.

ءانۇراننىڭ شاتاستىرىپ قويىلۋ جاع­دايلارىنان بولەك، مۇلدە ءۇزىلىپ قالعان كەزدەر دە بولعان. بىلتىر سۋ سپورتى تۇرلەرىنەن وتكەن ازيا چەمپيوناتىندا ء(ۇندىستان) سۋ دوبى بويىنشا قازاقستان جاستار قۇراماسىنداعى قىزداردىڭ ورىن­دا­ۋىن­داعى گيمن تالايدى ءسۇي­سىن­دىرىپ، قوعامدا ءبىراز تالقى­لانعان ەدى.

سۋ دوبى بويىنشا قازاقستان ۇلتتىق قۇراماسىنىڭ مۇشەسى، «ايشا ءبيبى» كومانداسىنىڭ ويىن­شى­سى، ءۇندىستاندا وتكەن ازيا چەمپيوناتىندا ءانۇرانىمىزدى ورىنداعان قىزداردىڭ ءبىرى – ءمادينا راحمانوۆا سول كەزدەگى تەحنيكالىق اقاۋ وزدەرىن جىگەرلەندىرە تۇسكەنىن ايتادى. «جارىس باستالار الدىندا قىتايدىڭ مەملەكەتتىك گيمنى ورىندالىپ، كەزەك بىزگە كەلگەندە ءانۇرانىمىز العاشقى سەكۋندتاردا-اق توقتاپ قالدى، بىراق ءبىز ونى ساتىمەن جالعاستىرىپ اكەتتىك. كومانداداعى قىزداردىڭ بارلىعى – پاتريوتتار. سوندىقتان بۇل جەردە تاڭ قالاتىن ەشتەڭە جوق دەپ ويلايمىن. گيمندى جاتقا ءبىلۋ – ءاربىر ازاماتتىڭ مىندەتى. ءبىز دە قازاقستان ازاماتتارى رەتىندە مەملەكەتتىك ءانۇراندى جاقسى بىلەمىز. گيمندى ءوزىمىز ورىنداپ، ودان سايىن جىگەرلەنە تۇستىك. بۇل قىتايلىق كوماندانى تىزە بۇكتىرىپ، جەڭىسكە جەتۋىمىزگە نەگىزگى سەبەپ بول­عانداي»، دەيدى سپورتشى.

ءمادينانىڭ ايتۋىنشا، ءار ويىن الدىندا باپكەرلەرى ەل نامى­سى قىزداردىڭ قولىندا ەكەنىن، سون­دىق­تان بارىن سالۋعا تىرىسۋ كەرەك­تىگىن ايتىپ، نۇسقاۋ بەرەدى. «باپ­كەرلەر جارىستا 100 پايىز ءوزى­مىز­دى كورسەتۋىمىز كەرەگىن ءجيى ايتادى. قول­دان كەلەتىننىڭ ءبارىن جارىس­تا كورسەتىڭدەر دەيدى. مۇنى جارىستىڭ بار­لىق كەزەڭىنە قاتىستى دەپ تۇسى­نە­مىز. سوندىقتان ءانۇران شىر­قال­عاندا دا، بارىمىزدى سالىپ، تۋعان جە­رىمىزگە قۇرمەتىمىزدى كورسەتكىمىز كەل­دى»، دەيدى مادينا.

«سپورتشىنىڭ گيمندى ءبىلۋى – باپكەردەن» ەكەنىن 2009 جىلدان 2018 جىلعا دەيىن بوكستان قازاقستان ۇلت­تىق قۇراماسىنىڭ باس باپكەرى بول­عان مىرزاعالي ايتجاننىڭ پى­كى­­رى دالەلدەي تۇسكەندەي. تالاي چەم­­­­پيوندى جاتتىقتىرعان مامان ءار جات­­تىعۋدى گيمنمەن باس­تاي­­تى­نىن ايتتى. ء«وزىم ۇلتتىق قۇ­را­ماعا باپكەر بولعان كەزدە بوكس­شى­­ل­­اردىڭ جات­تىعۋىن مىندەتتى تۇردە ءانۇران شىرقاۋمەن باس­تا­تا­تىنمىن. 12 ايدىڭ 9 ايىن وقۋ-جات­تىعۋ جيىندارىن­دا وتكىزە­تى­نىمىز ءمالىم، سول كەزدە كۇندە تا­ڭەر­­تەڭ ءبىر سپورتشى باستاپ، قال­عا­نى قوستاپ ءانۇران ايتىلادى. قازاقستان بايراعىن تالاي رەت كوككە كوتەرگەن، الەم چەمپيوناتىنىڭ ءۇش دۇركىن جۇلدەگەرى، وليمپيا ويىن­دا­رىنىڭ قولا مەدالىن ەكى مارتە ەنشىلەگەن يۆان دىچكو دا، وليمپيا ويىن­دارىنىڭ كۇمىس جۇلدەگەرى، ازيا چەمپيونى ۆاسيلي لەۆيت تە جات­تى­عۋدا گيمن ايتىپ ءجۇردى. ءار سپورت­شى­نىڭ، باپكەردىڭ گيمندى ءبىلۋى كەرەك دەگەن ويدامىن. بۇل دا ءبىر ۇدايى ەسكەرە جۇرەتىن تالاپ. باسقا سپورت تۇرلەرىن بىلمەيمىن، الايدا بۇل ءداستۇر باسقا بوكسشىلار اراسىندا دا جالعاسىن تاپقانىن ەستىدىم. ۇلتتىق قۇراماداعى سپورتشىلار بۇگىندە ءاربىر جاتتىعۋ كۇنىن مەملەكەتتىڭ انۇرانىمەن باستايدى ەكەن»، دەيدى بەلگىلى باپكەر.

سوڭعى جاڭالىقتار

ۇرى الىستان كەلمەپتى

ايماقتار • بۇگىن، 10:15

شاشتان شاحمات تاسىن جونادى

تانىم • بۇگىن، 07:44

ونلاين-سورەدە – ويلى كىتاپتار

رۋحانيات • بۇگىن، 07:42

دارىگەرلەرگە كولىك سىيلادى

وقيعا • بۇگىن، 07:17

سوڭعى پاتسيەنت ۇيىنە قايتتى

قوعام • بۇگىن، 07:05

جامانتاۋدى جوعالتىپ المايىق

رۋحانيات • بۇگىن، 06:50

سەنات دەپۋتاتتارى سايلاندى

سايلاۋ • بۇگىن، 06:48

ادەپتى ادەمى ۇستاز

رۋحانيات • بۇگىن، 06:47

ۇقساس جاڭالىقتار