قوعام • 03 ماۋسىم، 2020

Egov.kz-تە 5 مىڭنان استام ادام جۇمىس ىزدەۋشى رەتىندە تىركەلگەن

9 رەت كورسەتىلدى

5091 ادام ەلەكتروندىق ۇكىمەت پورتالىندا جۇمىس ىزدەپ جۇرگەن ادام رەتىندە تىركەلۋ بويىنشا ەلەكتروندىق قىزمەتتى پايدالاندى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.

قىزمەتتى الۋ ءۇشىن پورتالدىڭ باستى بەتىندە «جۇمىسقا ورنالاستىرۋ جانە جۇمىسپەن قامتۋ» بولىمىنە ءوتۋ، ودان ءارى «جۇمىس ىزدەگەن ادامداردى تىركەۋ» قىزمەتىن تاڭداۋ جانە قىزمەتكە ونلاين تاپسىرىس بەرۋ قاجەت. كەز كەلگەن ىڭعايلى تاسىلمەن اۆتوريزاتسيادان كەيىن (لوگين مەن پارول، ەتسق، SIM-كارتاداعى ەتسق، ءبىر رەتتىك پارول، Digital-ID، QR-كود) ءوزى تۋرالى اقپاراتتى تولتىرۋ جانە سۇراۋعا ەتسق ارقىلى قول قويۋ قاجەت.

جۇمىس ىزدەپ جۇرگەن ادام رەتىندە تىركەلگەننەن كەيىن ءبىر جۇمىس كۇنى ىشىندە حالىقتى جۇمىسپەن قامتۋ ورتالىعىنىڭ قىزمەتكەرلەرى لايىقتى بوس جۇمىس ورنىن ىزدەۋدى جۇزەگە اسىراتىن بولادى. ەگەر جۇمىس تابىلماسا، ءوتىنىش بەرۋشىگە قاشىقتىقتان جۇمىسسىز مارتەبەسى بەرىلەدى. ەگەر بۇل رەتتە جۇمىسسىز ازامات مىندەتتى الەۋمەتتىك ساقتاندىرۋ جۇيەسىنىڭ قاتىسۋشىسى بولىپ تابىلسا، ول جۇمىستى جوعالتۋ بويىنشا تولەمگە ۇمىتكەر بولا الادى، ول SMS ارقىلى پرواكتيۆتى تۇردە تاعايىندالادى.

«جۇمىس ىزدەپ جۇرگەن ادامداردى تىركەۋ قىزمەتىن» حالىقتى جۇمىسپەن قامتۋ ورتالىقتارىندا دا الۋعا بولادى. الايدا كوروناۆيرۋس پاندەمياسى كوپتەگەن قىزمەتتەردى ۇيدەن شىقپاي-اق ونلاين الۋعا بولاتىنىن دالەلدەدى. مىسالى، egov.kz نەمەسە SMS ارقىلى. بۇل وتە ىڭعايلى، ويتكەنى ءبىر جەرگە بارۋدىڭ، قۇجاتتاردى جيناۋدىڭ، وعان ۋاقىت جۇمساۋدىڭ قاجەتى جوق. تسيفرلىق تەحنولوگيالار كوپتەگەن پروتسەستەردى ونلاين ءوزارا ءىس-قيمىلعا اۋىستىرادى، وسىلايشا ادام فاكتورىنىڭ اسەرىن تومەندەتىپ، جەمقورلىق تاۋەكەلدەرىن ازايتادى»، – دەدى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ناريمان مۇقىشەۆ.

ەستەرىڭىزگە سالا كەتەيىك، جۇمىسپەن قامتۋدى تسيفرلاندىرۋ اياسىندا ونلاين تۇردە جۇمىس تابۋعا مۇمكىندىك بەرەتىن «ەلەكتروندىق ەڭبەك بيرجاسى» جانە بارلىق مالىمەتتەر جۇيەدە ساقتالاتىندىقتان، ازاماتتاردىڭ جۇمىسقا ورنالاسۋىنا جۇمسايتىن ۋاقىتىن ۇنەمدەۋگە مۇمكىندىك بەرەتىن «ەڭبەك شارتتارىن ەسەپكە الۋدىڭ بىرىڭعاي جۇيەسى» جوبالارى جۇزەگە اسىرىلۋدا.

سوڭعى جاڭالىقتار

مۇحتار شاحانوۆ اۋىرىپ جاتىر

قازاقستان • بۇگىن، 11:56

قحل اڭىزدارىنىڭ قاتارىندا

حوككەي • بۇگىن، 07:56

«اباي اندەرى» اسقاقتايدى

اباي • بۇگىن، 07:46

وڭىرلەردەگى جاعداي باقىلاۋدا

ۇكىمەت • بۇگىن، 07:37

قوعامدا سەنىم پايدا بولدى

قوعام • بۇگىن، 07:16

قاجەت سوزدەر ۋاقىتىندا ايتىلدى

رۋحانيات • بۇگىن، 07:10

ءموبيلدى توپ باقىلايدى

ايماقتار • بۇگىن، 07:03

ۇپايدان شاشاۋ شىقپايدى

تەننيس • بۇگىن، 07:01

كوڭىلگە مەدەۋ بولعان ۇندەۋ

قوعام • بۇگىن، 06:59

انتيبيوتيك كەرى اسەر ەتۋى مۇمكىن

مەديتسينا • بۇگىن، 06:57

COVID-19: كۇرەس شارالارىنا قارجى ءبولىندى

كوروناۆيرۋس • بۇگىن، 06:45

بەيقامدىقتان ارىلار ەمەس

قوعام • بۇگىن، 06:39

ءوندىرىس كولەمىن 5 ەسەگە ارتتىردى

تەحنولوگيا • بۇگىن، 06:36

ەرەكشە دارىن يەسى ەدى

رۋحانيات • بۇگىن، 06:35

ساقتىقتا قورلىق جوق

كوروناۆيرۋس • بۇگىن، 06:30

ۇقساس جاڭالىقتار