قوعام • 03 ماۋسىم، 2020

شاعىن قالالار مەن اۋىلدارداعى 110 مىڭ وتباسى 50 مىڭ تەڭگەدەن الادى - باۋىرجان بايبەك

301 رەت كورسەتىلدى

Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك Instagram جەلىسىندەگى پاراقشاسىندا تۇڭعىش پرەزيدەنت نۇرسۇلتان نازارباەۆتىڭ باستاماسىمەن قۇرىلعان «Birgemiz» قورىنان 50 000 تەڭگە كولەمىندەگى بىرجولعى تولەمدەردى تاعى دا كىمدەردىڭ الاتىنى تۋرالى ايتتى. بۇل تۋرالى Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك Instagram پاراقشاسىندا جازدى.

«ەلباسىنىڭ باستاماسىمەن مەملەكەت باسشىسى قولعا العان داعدارىسقا قارسى شارالارعا قوسىمشا «Birgemiz» قورى مۇقتاج قازاقستاندىقتارعا قارقىندى كومەك كورسەتۋدى جالعاستىرىپ جاتىر. كومەك كورسەتۋدىڭ ءبىرىنشى جانە ەكىنشى كەزەڭى اياسىندا 23 قالاداعى 360 مىڭنان استام وتباسى 50 مىڭ تەڭگەدەن بىرجولعى تولەماقى الدى. «Jas Otan» ماڭىنا توپتاسقان 5 مىڭنان استام ۆولونتەر 240 مىڭ وتباسىعا ازىق-ت ۇلىك سەبەتتەرىن، مەديتسينالىق ماسكالار مەن ءبىرىنشى كەزەكتە قاجەتتى زاتتاردى جەتكىزىپ بەردى. حالىقتىڭ قورعانىسى ءالسىز بولىگىنە جاتاتىن 100 مىڭ وتباسىعا تەگىن 5 ميلليون ماسكا ۇلەستىرىلدى. تۇركىستان وبلىسىنىڭ سۋ باسقان اۋىلدارىنىڭ تۇرعىندارىنا نۇروتاندىقتار ازىق-ت ۇلىك، كيىم-كەشەك، قۇرىلىس ماتەريالدارى مەن جەكە گيگيەنا قۇرالدارى تۇرىندە 1000 توننا گۋمانيتارلىق كومەك جونەلتكەن. «Birgemiz» قورىنىڭ قاراجاتى ەسەبىنەن دوستىق اۋىلىنىڭ تۇرعىندارى جاڭا تۇرعىن ۇيلەرمەن قامتاماسىز ەتىلەتىن بولادى»، - دەپ جازدى باۋىرجان بايبەك Instagram پاراقشاسىندا.

سونداي-اق ول كۇنى كەشە ەلباسىمەن وتكەن كەزدەسۋ بارىسىندا پارتيا توراعاسىنىڭ بەرگەن تاپسىرمالارىنا توقتالدى.

«كەشە ەلباسى، پارتيامىزدىڭ ليدەرى نۇرسۇلتان نازارباەۆ 50 مىڭ تەڭگە مولشەرىندە بىرجولعى تولەماقى بەرۋدىڭ ءۇشىنشى كەزەڭىن ۇيىمداستىرۋدى تاپسىردى. وسى اپتانىڭ وزىندە شاعىن قالالاردىڭ، اۋىلدار مەن ءىرى قالالارعا ىرگەلەس ەلدى مەكەندەردىڭ مۇقتاج تۇرعىندارىنان تۇراتىن 110 مىڭداي وتباسىعا قوسىمشا اتاۋلى قارجىلىق كومەك كورسەتىلەتىن بولادى. Nur Otan پارتياسى مەن تۇڭعىش پرەزيدەنت قورىنىڭ ۇيىمدىق قولداۋىمەن «Birgemiz» قورىنىڭ ىسكە اسىرىپ جاتقان ءتيىمدى دە اشىق جۇمىسى ءىرى مەتسەناتتاردىڭ كوكەيىنە سەنىم ۇيالاتىپ وتىر. وسىلايشا تاياۋ ۋاقىتتا تاعى دا قوسىمشا قاراجات تۇسەدى دەپ كۇتىلۋدە. وسىنى ەسكەرگەن ەلباسى تىكەلەي اۋىل تۇرعىندارىنا باسىمدىق بەرە وتىرىپ، مۇقتاج قازاقستاندىقتارعا اتاۋلى كومەك كورسەتۋدىڭ ءتورتىنشى كەزەڭىن ىسكە اسىرۋ مۇمكىندىگىن پىسىقتاۋدى تاپسىردى»، - دەپ جازدى ول.

98

546

98

877

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ەۋروكۋبوككە قاتىسادى

فۋتبول • بۇگىن، 07:30

بيىلعى ماۋسىمنان شەت قالا ما؟

حوككەي • بۇگىن، 07:28

ۇقساس جاڭالىقتار