پرەزيدەنت • 03 ماۋسىم، 2020

رەسەي مەن بەلارۋس سياقتى وداقتاس مەملەكەتتىڭ قۇرامىنا قوسىلۋ جوسپارىمىزدا جوق - پرەزيدەنت

258 رەت كورسەتىلدى

مەملەكەت باسشىسى قاسىم-جومارت توقاەۆ  رەسەيلىك «كومسومولسكايا پراۆدا» باسىلىمىنا بەرگەن سۇحباتىندا رەسەيمەن جانە بەلارۋسپەن اراداعى ىنتىماقتاستىق جايىندا ءسوز ەتتى.

«قازاقستان رەسەيمەن جانە بەلارۋسپەن ەكىجاقتى فورماتتا دا، ەاەو، ۇقشۇ، تمد  سىندى ينتەگراتسيالىق بىرلەستىكتەر اياسىندا دا تىعىز جۇمىس جۇرگىزىپ كەلەدى. رەسەي مەن بەلارۋس سياقتى وداقتاس مەملەكەتتىڭ قۇرامىنا قوسىلۋ ءبىزدىڭ جوسپارىمىزدا جوق. جوعارىدا اتالعان ۇيىمدار اياسىندا ينتەگراتسيانى ودان ءارى دامىتۋ باسىم باعىتىمىز بولىپ قالا بەرەدى. ەۋرازيالىق ەكونوميكالىق وداقتىڭ الەۋەتىن تەك ەكونوميكالىق وداق رەتىندە كۇشەيتۋگە مۇددەلىمىز. كووپەراتسيالىق بايلانىستاردى دامىتۋ، تاۋارلاردىڭ، كورسەتىلەتىن قىزمەتتەردىڭ جانە جۇمىس كۇشىنىڭ ورتاق نارىعىن قۇرۋ، اتالعان وداققا مۇشە مەملەكەتتەردىڭ ينۆەستيتسيالىق تارتىمدىلىعىن ارتتىرۋ ارقىلى ەاەو-نى جاھاندىق اۋقىمداعى ءتيىمدى قۇرىلىمعا اينالدىرا الار ەدىك»، - دەدى قاسىم-جومارت توقاەۆ سۇحباتىندا.

ونىڭ ايتۋىنشا، بۇل باعىتتاعى جۇمىستار جۇيەلى تۇردە ىلگەرىلەپ جاتىر. 2025 جىلعا قاراي ورتاق ەنەرگەتيكالىق جانە قارجىلىق نارىق قالىپتاسادى. اسىرەسە، تسيفرلىق ىقپالداستىق پەرسپەكتيۆالى باعىت بولماق.

«كەيدە ەاەو-دا، ءتىپتى ەڭ جوعارى دەڭگەيدە، قىزۋ پىكىرتالاستار بولادى، بىراق بۇل تالقىلاۋلار وداقتى نەعۇرلىم تابىستى، بەدەلدى، تارتىمدى ەتۋگە دەگەن ورتاق تالپىنىستى بىلدىرەدى. ال وعان نەمقۇرايلى قاراۋ – انىق دەگراداتسيانىڭ بەلگىسى»، - دەلىنگەن پرەزيدەنت سۇحباتىندا.

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ۇقساس جاڭالىقتار